同德素食

营业中

休息中

今次二访感觉寿司嘅选择少咗，又冇咗手卷食，而小菜同主食嘅款式就同上次嘅差唔多，炖椰菜花饭有惊喜。火炙素海胆卷 ($92/ 8件) (蛋素)卷物嘅表面铺有由咸蛋黄制成嘅素海胆，卷物入面包有芒果、青瓜丝同淮山，素海胆好够咸，所以唔使沾豉油都够味。招牌芒果香酥豆腐 ($98) (蛋素)黎呢到必食嘅菜式之一，豆腐用上滑豆腐，脆皮嘅表面拌有芒果丝同沙律酱，味道酸酸甜甜。黑松露羊肚菌炖椰菜花饭 ($118) (奶素)有惊喜嘅炖饭，食落有香浓嘅忌廉同黑松露味，夹起黎有芝士嘅拉丝，虽然又有芝士又有忌廉，但食落唔觉得腻。椰菜花饭混入意大利米型粉、珍珠米同藜麦，我主要食到椰菜花碎同米型粉。配料有西兰花、羊肚菌、粟米、甘荀等。