Running 燒 (已結業)

成日系将军澳行街经过呢间烧肉放题店，都好想入去烧一烧！今日机会嚟啦！有朋友提出想食烧肉，所以我哋就决定今晚去呢间烧肉放题店度试试！我哋7:30左右就到左呢间餐厅，仲有剩最后一张卡位，很开心呢！我哋一坐低，侍应就好细心咁话俾我哋知每位既价钱同埋介绍下点样落单！我哋每人258一位！自助区同餐单入边嘅嘢食，加加埋埋d 种类都几多！仲见到好多韩式饮品同雪糕！仲有夹糖见到咁多野食，我哋都忍唔住即刻开餐啦！我哋觉得d烧物就不过不失，不过最有惊喜嘅系啲熟食同甜品！柚子味嘅炸鸡同原味嘅炸鸡又真系几好食㖞！仲有辣度可以选择！我哋觉得小辣已经足够炸鱿鱼更加唔使讲啦，我哋不停encore 仲有迷你吉士泡芙，我一个人都食咗三个！味道不错呢！