影片
更多
2013-12-20
6587 浏览
居美o既大姨妈大姨丈返港，家中长辈诚邀大姨丈一家试食君悦酒店新设只有一个月o既Teppanroom，为佢地洗尘。君悦酒店位于会展隔离，周围除咗多人去睇展览，多游客去紫荆广场观光，放工时候更推满哂上班一族，由湾仔地鐡站行去要十五至二十分钟，选择坐巴士或者的士就仲头痛，一定要预松最少半个钟，因为𠮶区到处都咁塞车，就连住港岛区o既XO仔都觉得唔就脚 。君悦酒店门外有携带住行李o既旅客，亦有多位衣著华丽o既宾客，似乎大堂o既服务生未能妥善地招待每一位贵宾，事关当晚其中一位七旬长辈到场时即向主人家投诉，诉说自己喺五星级酒店内居然冇服务生为佢带路，而且未有人能正确地指出餐厅位置，令佢迷路得不知所措，真系差啲喊咗出黎 ！（虽然小插曲并唔系发生喺餐厅入面，但餐厅属酒店管理范围之内，即两者有直接关连；酒店服务出现问题，小肥亦理所当然地扣除Teppanroom一分服务分，以示不满及警惕！）每次赴会，身为晚辈o既小肥例必早到，除咗以示对主人家之尊重及礼貌之外，其实亦想借机向服务生索取餐厅资料 。据姐姐仔所讲，Teppanroom前身为鹿悦日本料理一间贵宾房，经过装修后，摇身一变，而家变成一家独立o既鐡
君悦酒店位于会展隔离，周围除咗多人去睇展览，多游客去紫荆广场观光，放工时候更推满哂上班一族，由湾仔地鐡站行去要十五至二十分钟，选择坐巴士或者的士就仲头痛，一定要预松最少半个钟，因为𠮶区到处都咁塞车，就连住港岛区o既XO仔都觉得唔就脚 。君悦酒店门外有携带住行李o既旅客，亦有多位衣著华丽o既宾客，似乎大堂o既服务生未能妥善地招待每一位贵宾，事关当晚其中一位七旬长辈到场时即向主人家投诉，诉说自己喺五星级酒店内居然冇服务生为佢带路，而且未有人能正确地指出餐厅位置，令佢迷路得不知所措，真系差啲喊咗出黎 ！（虽然小插曲并唔系发生喺餐厅入面，但餐厅属酒店管理范围之内，即两者有直接关连；酒店服务出现问题，小肥亦理所当然地扣除Teppanroom一分服务分，以示不满及警惕！）每次赴会，身为晚辈o既小肥例必早到，除咗以示对主人家之尊重及礼貌之外，其实亦想借机向服务生索取餐厅资料 。据姐姐仔所讲，Teppanroom前身为鹿悦日本料理一间贵宾房，经过装修后，摇身一变，而家变成一家独立o既鐡板烧料理，起名为Teppanroom，于9月28日正式启业，当时只提供晚餐；一个月后，即10月28日，上咗轨道后，就再做埋午市鐡板烧。
Teppanroom灯光较暗，格调高雅，地方阔落，装修简单洁净，感觉一尘不染，卫生舒适。餐厅共有三位师傅，师傅们身后摆放著多款新鲜食材及餐具，同一时间最多可容纳十六位客人；座位围绕住房中一张长鐡板，每一个角度都可以睇到厨艺表演。姐姐仔介绍主厨Robert为北京人，曾花上一年时间于法国学艺，钻研调味，所以烹调出黎o既鐡板烧菜式极富法国色彩，下图为师傅特别选用o既橄榄油。
长辈包场宴客，当晚最少有四位后生仔女为我地房中各人服务，斟茶、递水、加酒、换碟、送上热毛巾等，服侍周到，态度亦非常诚恳有礼。小肥最感动都系佢地续一为贵客们带上围裙 ，深感餐厅有文化及卫生之余，更觉服务贴身，值得小弟在此加以嘉许。务求客人们能够一一品尝大厨o既主打招牌菜，主人家早几日已经同餐厅职员写好合共九道𩠌o既餐单（餐前小食另叫）；更预先编埋位，来宾只需对名入座，真系细心体贴。
鸡泡鱼干 + 枝豆：热热地o既鸡泡鱼干烟韧带甜，暖暖o既枝豆味道较清；主人家叫黎送清酒还过得去，不过要黎送香槟（当晚有坐上客只饮香槟）就好似唔系好夹 ！既然大厨曾赴法国深造，小肥建议餐厅可以因应食客饮o既酒叫师傅做出不同小食去配衬，黎个food pairing。纹甲乌贼，紫苏叶黑芝麻汁（$210）：以紫苏叶酱及黑芝麻汁煮制o既墨鱼味道属中辣，墨鱼粒轻轻煎过，属半生熟，质感爽口弹牙；师傅用紫苏叶酱沟入黑芝麻汁，配搭新颖，两种材料各有各香，而且浓得黎又好夹，精彩细腻 ！
日本高知蕃茄，西班牙猪肉，松果法国蘑菇，蕃茄，开心果，橄榄（$165）：左手边o既日本高知蕃茄本身唔会过腍，味道好够甜，一啲酸味都冇，以pine nuts及秘制酱汁舖面，整体口感非常湿润爽脆，对菜一向好反感o既XO仔居然忍唔住推介比唔食蕃茄o既妈咪食 ，好味指数不言而喻！右手边o既蕃加拌portobello mushroom，混满橄榄碎及开心果仁碎，香脆得黎又够野味，送酒一流！
法国田螺，龙虾，蘑菇，龙虾油（$210）：小弟好少食田螺，口感同之前食𠮶味黑鱼粒差唔多，一样咁爽口；龙虾不但唔嚡、唔溜、唔干，爽得黎仲带点香脆；蘑菇入口即散发阵阵鲜香味，原来师傅喺蘑菇面涂咗层薄薄o既龙虾油，哗，犹如神来之笔，教人连声赞好 ！
加那利群岛红虾，茴香酒（$360）：红虾用个有柄o既鐡撑仔上，既保热又美观卫生，好有谂头。师傅解说话虾头多膏，所以个汁主要用虾膏加上茴香酒调制，虽则如此，个汁一啲都唔溜，其香浓度亦冇盖过红虾本身o既鲜甜味，可称为绝配！可惜伴碟o既蒜蓉多士就唔多够热，而且比较硬 ，其浓味又抢去红虾o既鲜味，XO仔建议餐厅转用普通法包，简单得黎效果会更佳。
阿拉斯加鳕鱼，橄榄，白酒汁，西班牙肠，亚枝竹（$165）：鳕鱼肉质鲜甜幼嫩，用白酒汁煮出黎效果湿滑且唔油，以咸咸o既西班牙肠轻轻地加以点缀调味亦不失为一个好方法。小肥唯一唔钟意碟中o既artichoke同葱头，食落前者o既质感同鳕鱼𠮶个好似有少少冲突。
日本A5宫崎牛牛柳100g：主人家非常慷慨地预咗每人100g和牛份量 ，细食o既女士们觉得太多，哈哈，小肥好自然地有多成份食，即系一个人食咗200g ！师傅根据客人不同o既要求煮出不同生熟度o既牛肉；小弟𠮶份为medium rare，肉质软腍而松，黏上芝麻及Salsa酱，香味尤其浓烈。
鐡板炒什菜（$120）：炒什菜中有百合、荷兰豆、荀、蕃茄及野菌等，讲真视菜为敌人o既小肥真系唔系几识欣赏，只系觉得啲荀好爽脆，同埋啲野菌几野味。绿茶海鲜炒饭（$90）：用绿茶炒饭，听落都觉得唔传统；师傅强调炒饭过程中冇落蛋，而且除咗白米之外，饭底仲沟咗啲糙米，咬落口感会丰富啲，食落又会健康啲！用绿茶同橄榄油煮制o既海鲜炒饭好够干身，白米粒加糙米粒烟烟韧韧，虽然冇落蛋去炒，但仍不失香口；捞埋面头只太阳鹌鹑蛋黎食，绿茶味清得黎增添湿润香滑，毫不油腻，令人赞叹不已 ！
菠萝，龙舌兰酒，椰子雪糕（$90）：波萝为甜品之主材，碗中底层放有大大旧波萝，浸喺暖暖o既tequila汁内，中间放上一球雪糕，雪糕面再加有一块花形o既波萝片，冰火交融之际种出一朵鲜花，认真有意思 ！面头𠮶片花形波萝应该系用焦糖烧制而成，好薄好脆；以tequila烹调o既汁液香甜浓郁，唔讲真系食唔出原来个汁面加入咗微量o既黑胡椒粉去调味；不过碗中o既波萝块就好似家中嫲嫲叫小弟一般，「好孙（酸），好孙（酸）」 ，莫非师傅特意用啲超酸o既波萝帮助我地消化当晚丰富o既一餐 ？！
长辈请客，小肥唔好意思问埋单几钱，不过姐姐仔透露包场最低消费为HK$25,000 + 10%，所以每位都要过二千蚊架，出名悭家o既小肥听到心中当然系吓咗一跳啦 ！不过客观评论，Teppanroom属五星级酒店内之高级食肆，无论系环境、服务、卫生、食材等，全属优质顶级，以二千多元食到肚满肠肥，当中不乏越洋搜罗之新鲜蔬果海鲜，加上大厨自家研制之烹调组合及独门调味秘方，食尽法日新口味，价钱其实都算系几合理架啦！最后，长辈们叮嘱XO仔要喺食评当中特别赞扬Teppanroom个抽气系统非常好 ，女士们离开时无一不赞，话大家都系第一次食完鐡板烧居然个身唔会留下一大阵油烟味！
张贴
