叉燒大王

营业中

休息中

今晚特登揸车去叉烧大王买外卖，佢之前已经电话落咗order, 去到同收银员讲，我刚刚打嚟叫咗两碗濑粉，跟住收银个姐姐俾咗张单我，我见有两碗濑粉已经放咗出嚟，想问收银员系咪呢两碗呀？ 点知佢大大声咁话我"你打左电话黎你又唔讲？"我话我有讲我打嚟落咗order, 但佢坚持话我冇讲， anywayssss跟住我再问佢放咗喺度𠮶两碗粉系咪我㗎，佢唔睬我， 我再问多次，个收银姐姐只系大大声同斩叉烧嘅师傅讲头先𠮶张单取消呀。。。。好彩之后有个好nice 嘅肥姐姐出黎帮我，仲帮口话个收银系新黎，佢都好唔好意思。。。但当我转身走𠮶阵，个收银员亦随即继续闹。。。咩事呢而家？我唔知𠮶个满有口音嘅收银员（望落最年轻但态度最差的一个）系咪其实听唔明广东话，但咁嘅服务态度，实在太赶客。。。（之后先知原来我家人同朋友都俾同一个人激过）， 如果叉烧大王继续有咁嘅员工。。。只能祝好运讲番d 烧味， 烧鸭d 肉实在太梅啦，有几嚿仲要有好多毛D 烧腩仔反而几好，经过15分钟车程后个皮仲脆，d 濑粉都唔错，系比较幼身的，所以好吸到汤👌🏼不过收银𠮶个真系搅到我冇乜胃口， 没有下次了！