棋子燒鵝 (加拿分道)

营业中

休息中

喺香港食饭好多地方都好贵，尤其系喺尖沙咀旅游区，不过最近无意中发现到呢间餐厅都真系几抵食。餐厅环境干净企理，上网睇一睇原来餐厅喺香港都有六间分店。餐牌单点食物价钱进取咗啲，但套餐反而非常抵食，餐厅分别有几款套餐，价钱非常大众化，同朋友两个人，所以叫咗二人套餐，套餐有烧鹅 (例牌）、烧味 (例牌六选一）、郊外油菜、白饭、饮品。估唔到例牌都几大碟，烧鹅皮脆有光泽，肥而不腻，而且仲散发出微微嘅烟熏味。烧味拣咗叉烧份量亦唔少，味道唔错之余仲系半肥瘦，真系无得顶。套餐可拣白饭 / 濑粉 / 米粉 / 河粉，拣咗白饭同濑粉，两碗都超级大碗，呢个价钱有呢个质素同呢个份量，仲要系尖沙咀真系无嘢可挑剔。