永和海鮮酒家

营业中

休息中

朋友介绍要试吓呢一间嘅烧鹅，于是打电话订位嘅时候订埋，另外问吓仲有乜野要预订，佢叫我试埋乳猪，仲建议我订半只，因为费事食唔晒会浪费。只烧鹅真系唔错，真系可以烧到皮脆肉滑，有少量肉汁仲留喺D鹅肉入面。只鹅偏瘦，所以几乎系无乜皮下脂肪，唔洗一路食一路咬走D肥膏。佢层皮既薄且微脆，唔食皮嘅我都忍唔住要食少少，果然系名不虚传。半只乳猪专登留半个头比你都真系好有诚意，皮烧得够脆，肉身比较厚，脂肪层算少，另外佢嘅猪脚仔唔会烧到㶶晒黑妈妈食唔到。除咗烧鹅同乳猪之外，我地仲叫咗个菜，豆腐蒸菜胆，呢个𩠌就比较一般D。