千樂燒味餐室 (已結業)

手撕鸡饭套餐 $78单点 $58因为我早餐食得太饱，所以我就无叫到套餐。其实套餐真系几抵食，有汤，有蒜香青瓜，都食得几满足架。第一次食呢度嘅手撕鸡，份量都几多，而且有多芝麻。食落香口，鸡都煮得嫩滑，配上胡萝卜丝，口感丰富。侍应仲好亲切咁问我要唔要啲酸梅酱，我当然乐意啦。点上酸梅酱食，更惹味。因为返工系呢头，附近都几多烧味店，我几乎都试过，但呢间就会经常帮衬，坐得舒服，烧味质素又保证，服务亲切。最重要系呢度选择多，套餐又有无味精汤饮，良心小店。