金滿膳燒味餐室 (已結業)

同事话附近有间烧味餐室睇落普普通通，但食落又唔错。甘啱谂唔到食咩好，就决定去试下。入到嚟一坐低睇餐牌已经觉得有好多嘢食拣，不过一个人又有啲饱，唔想食饭。见到佢哋有啲串烧都唔错，所以就叫咗嚟试吓。韭菜$16佢哋嘅韭菜味超香浓，上面仲要加左啲调味粉，食落更加辣同惹味。锡纸焗金针菇$38一送到黎已经闻到好香嘅牛油味，可能因为用咗锡纸焗，牛油味渗透晒落金针菇入面，好鬼正。烧五花腩 $18跟住烧五花腩极之邪恶，五花腩嘅油脂烧完分泌哂出嚟，加上啖啖肉，我就系要呢啲🤪肥牛金菇卷$28肥牛仲要系串烧，仲正过打边炉，享受到金菇嘅甜味以及爽脆的食感，又食到啖啖嘅肥牛，好食。