齒留香

营业中

休息中

睇左一条youtube片，果籽介绍一个冲出街市开烧味茶餐厅嘅招积老板，自称叉烧No. 1, 咁自信嘅态度燃起左我条叉烧瘾，一于去试试。近中午时间，一到门口已经见到7,8人在轮候，好在只是等外卖，我一入就有位，但就系一张4人枱已有两位大叔嘅搭枱位，我个人习惯搭枱冇问题，问题在于枱太细，我一坐下就已经对面隔离同自己都唔舒服想走人嘅感觉，加上走廊一地都系碎屑唔太整洁，环境上一定要扣分，因为差过一般茶记。讲返嘢食，招牌一定系叉烧啦，个人因为贪心，叫左"豪得起四宝饭", 一次过试晒想试嘅叉烧，烧鹅同乳猪。份量见到每样几旧咁啦，98蚊想有几多，但系就咁，明明餐牌写乳猪就变左烧肉，我问待应阿姐，就得一句冇晒乳猪，喂，冇乳猪要同我讲得架，换左烧肉就唔系咁嘅价钱啦。试返个烧味个味道，叉烧，系如片中所讲肥瘦适中，边有少少黑左嘅焦，系正嘅。烧鹅，全部冇肉得块皮，皮下油都冇乜，所以好差，四宝饭分d骨比我，唔太掂，比一旧有肥有肉嘅都好过果几旧骨啦，感觉被敷衍了。烧肉，皮脆，肉有带肥花嘅一段，够淋滑，系好食嘅。薰蹄就一般货色冇特别。另外送个汤都几特别，系有一大块烧猪皮嘅清汤，少少甜味几特别。总结黎讲就气氛好旧街市