千樂燒味餐室 (已結業)

今次系开始写OpenRice之后第九次食烧味。我估计，如果我真系写到100篇烧味， 千乐应该系我食得最多𠮶一间。曾经听讲过佢同出名嘅一乐烧鹅有啲关系，我冇证实过，我只证实到佢嘅烧味唔止烧鹅，其他嘢都好好食。下午茶时段由2:30开始，一份迷你烧鹅饭再加一杯热饮（或者例汤）系$40。对比起其他店舖，佢唔算好平，但非常有水准。一份迷你烧鹅饭入边都有八件烧鹅，加上而家食少咗好多饭，就算系迷你，作为一个late lunch，分量来讲对我都已经好足够。烧鹅份量好够，被香肉或，脂肪唔算太多，饮杯有少少涩味嘅柠檬茶， 正好中和烧鹅嘅油脂。唯一系店舖唔算好宽敞，所以外卖系比较理想嘅选择。收银嘅姐姐好有友，和蔼可亲，无论有几忙面上都总带着笑容，实在好喜欢佢哋。佢哋仲系一间良心店舖，会定期派饭比老人家，食饭以外，大家都可以支持一下。