南대門

营业中

休息中

相信大家对呢间都唔陌生，餐厅位于韩国街，主打多款正宗韩式料理，烧烤、饭/面、锅物、炸物样样有齐，老少咸宜，一定有款啱你心水～ 室内环境设有铁制圆枱，加上店员都系韩国人，唔讲唔知以为真系去咗转韩国旅行呀😆一坐低店员会送上泡菜、芽菜、粉丝等小食，调味适中，开胃又好味😋 肉类方面有好多选择，除咗套餐之余亦可以散叫，酱腌薄切五花腩份量十足，腩肉肥瘦比例啱啱好，油脂丰富，肉质嫩滑而且腌得够入味，唔洗额外点酱～ 韩式牛肋骨汤肉味香浓，牛肉煮至软嫩，做到肉骨分离，汤底顺喉香甜，配上热辣辣，粒粒分明又饱满嘅白饭就最合适不过了！牛肉八爪鱼火锅超级大个，应该有四人份量，而且卖相一流，净系打卡都有排你完🤣 上面有成七八块牛肉，厚切，肥美，嫩滑，多汁、里面藏咗只八爪鱼，新鲜，香甜，爽口，弹牙、而下面就铺咗娃娃菜、韭菜、金针菇、红萝卜、韩式饺子、年糕、粉丝等等嘅拌菜，配料满满，丰富又健康，会话性价比几高👍🏻