影片
更多
2020-03-18
71 浏览
其实间唔中都钟意食下串烧嘅。呢间铺头呢之前睇过好多次亦都见到评论都系唔错嘅！今日终于嚟到试吓佢嘅串烧系咪真系咁招积先！去到嗌左鱿鱼须、黑毛猪肋串、牛肋串同埋炭烧牛舌串。上网见到有好多人食鱿鱼筒，但系我哋两个人应该都食唔晒，所以就叫咗鱿鱼须。佢个鱿鱼须我觉得做得好好，因为首先烧得好香，而软硬度适中同埋佢个烧汁非常入味。串烧有得拣辣定唔辣但系我朋友𠮶日唔系太舒服所以就唔要辣。咁店员知道我想要食辣，佢会主动问我要唔要辣粉。咁我本身叫咗小辣先嘅，咁食鱿鱼串烧，加麻辣粉就非常惹味。但系我呢个钟意食辣嘅人，小辣边岩我呢，所以最后就改咗要大辣粉😍感觉真系唔同晒架即刻又麻又辣，正！咁你地去到铺头就识点拣啦。而个黑毛猪亦都非常松软，调味适中，猪味好重。平时我都好钟意食牛舌，佢呢个呢非常松软，唔会好似平时𠮶啲太不更，值得推介。仲有烧豆腐同埋鲜冬菇。我好推介呢个烧豆腐！一来比较少有啦，二来佢系非常之香脆佢嘅质地系一流，味道亦都好够。一咬落去非常香脆之后入边就系充满豆香嘅豆腐，非常之香脆令人想一食再食！而鲜冬菇亦都非常新鲜，加埋调味辣粉，再三回味😍 之后仲有鸡胸软骨、羊肉串、菠萝同埋日本芝士年糕。佢个鸡胸软骨
去到嗌左鱿鱼须、黑毛猪肋串、牛肋串同埋炭烧牛舌串。上网见到有好多人食鱿鱼筒，但系我哋两个人应该都食唔晒，所以就叫咗鱿鱼须。佢个鱿鱼须我觉得做得好好，因为首先烧得好香，而软硬度适中同埋佢个烧汁非常入味。串烧有得拣辣定唔辣但系我朋友𠮶日唔系太舒服所以就唔要辣。咁店员知道我想要食辣，佢会主动问我要唔要辣粉。咁我本身叫咗小辣先嘅，咁食鱿鱼串烧，加麻辣粉就非常惹味。但系我呢个钟意食辣嘅人，小辣边岩我呢，所以最后就改咗要大辣粉😍感觉真系唔同晒架即刻又麻又辣，正！咁你地去到铺头就识点拣啦。
而个黑毛猪亦都非常松软，调味适中，猪味好重。
平时我都好钟意食牛舌，佢呢个呢非常松软，唔会好似平时𠮶啲太不更，值得推介。
仲有烧豆腐同埋鲜冬菇。我好推介呢个烧豆腐！一来比较少有啦，二来佢系非常之香脆佢嘅质地系一流，味道亦都好够。一咬落去非常香脆之后入边就系充满豆香嘅豆腐，非常之香脆令人想一食再食！而鲜冬菇亦都非常新鲜，加埋调味辣粉，再三回味😍
之后仲有鸡胸软骨、羊肉串、菠萝同埋日本芝士年糕。佢个鸡胸软骨就唔同平时鸡软骨，佢系夹杂咗一啲肉咁就一次过满足两样。之后羊肉就一啲膻味都冇，做得出色。食咗咁多肉类咁就食返个烧菠萝等佢嘅酸甜化解返串烧嘅油腻。再食埋最钟意食嘅芝士年糕，软绵绵的年糕加上流心芝士，叫人欲罢不能😍
仲有白汁芝士同杂菇芦笋烧蚝，两样都系我中意食既野，非常啱心意。佢总共有四款酱汁可以俾大家配搭。如果食海鲜最怕就系佢唔新鲜，不过好彩呢度冇呢个问题。
之后食埋烧茄子（原条）同埋牛油烧开边大花虾。大大条茄子非常吸引，啱晒钟意食蔬菜嘅朋友。加埋香喷喷嘅牛油大虾，同埋蜂蜜绿茶配合，这餐圆满结束。
我谂呢间餐厅真系有质素保证，因为我哋坐喺度食，到我哋走嘅时候不断有客人来。当我地走嘅时候已经全场差唔多满座。同埋店员好细心佢会留意你食乜嘢，有啲咩困难佢会帮你同埋提点你。态度亲切乐助，有机会都会再嚟！
张贴
