和牛燒肉‧純 (已搬遷) 新店位置

飞驒和牛成日都听人讲，自己一次都冇试过，韩牛之前就试咗，同大少讲想试下飞驒牛，大少话同事介绍呢间几唔错，今日收早，大少一早订咗位，可以去食返餐正嘢！嘿嘿舖面地方唔算大，好彩有订位，如果唔系就冇得食喇！我地虽然坐吧枱，但枱面好阔落，而且感觉好日本feel！登登登登~ 飞驒牛，我地叫咗3个唔同部位，再加鸡肉，因为听人介绍鸡肉都几唔错~和牛上牛排肉，粉红色，烧完有好多油，但入口唔会好肥腻，肉汁超多，有入口亦溶嘅感觉。和牛肉眼，同一般美国，澳洲肉眼唔同，都系入口即溶，粉红色，薄薄一片，轻轻烧一烧已经好好食。再黎和牛红肉~ 鲜红色，呢只更加唔需要烧得耐，入口有咬口，同埋肉味较浓，比较冇咁腻。最后系日本鸡肉，真系烧完都仲好滑，好香鸡味，又唔会有一阵腥味，唔错。烧完嘅牛肉，超多汁，同埋好香口，真系值回票价！一人叫咗杯soda，天气太热喇。最后，侍应姐姐俾咗杯麦茶我地，话可以解腻，都几好饮架！总结：牛肉质素高，店舖虽小，但服务亲切。