濟州燒肉食堂

营业中

休息中

今日去左北角新商场－北角汇，夜晚去左位于二楼嘅济州烧肉食堂。我地坐系窗边位，本应望到维港，可惜天公唔造美，全日不停落雨🥲点完菜之后职员立即送上免费小食/前菜，包括泡菜、大豆芽、腌萝卜、豆角等等。边炉食蛋同粟米芝士系韩烧必备😚- 薯仔排骨汤排骨肉炖到好软稔，味道有少少辣，薯仔非常入味，娃娃菜索晒汤汁😋- 豪快苹果酱油鸡腿鸡腿有成只手掌咁大，调味恰到好处，肉质都嫩滑。- 豪快济州黑毛猪拼盘拼盘有齐我最喜爱嘅两个部位：五花肉同护心肉，前者肥瘦均匀，后者肉味香浓，识食一定系用生菜再加韩式辣酱包住😎- 大八爪鱼上菜时真系好巨型，不过烧既时候体型会慢慢缩小，肉质非常弹牙，不过味道比较淡。- 特选黑毛和牛上贝身肉油脂比例适中，入口即溶，一咬油脂就完全释放出黎，而且无筋，真系人生一大享受😍- 豪快和牛烧和牛预先腌制过所以颜色比较深，而且大片薄身，味道香甜，牛味亦香浓。另外仲叫咗两杯梳打，饮落无乜化学味，味道比较天然唔太甜。总括而言，食物质素高，最印象深刻系两款和牛，不过价钱嚟讲有啲贵，不过一边食一边望住维港景色都值回票价。