校長燒肉日韓料理 (已搬遷) 新店位置

我好鍾意食韓式燒烤，有時同朋友去某些燒肉店食如果散打order始終食起上嚟冇咁痛快,始終我本身都唔係食得到太多嘢，放題就唔同啦 ,乜都有得食,每樣食少少過口癮都覺得好開心。 平時行過校長燒肉日日都排曬大長龍，今日我實在太幸運了 ，唔使同人逼餐懵 舒舒服服可以盡情咁食。雖然係燒肉店但都會有幾款魚生任你食， 不過我今日特別想食肉，所以就冇點魚生食了。沙律吧， 款式都很多。另外還有很多韓式燒汁醬料係畀你燒烤嘅時候在搽上肉上面燒的。丸腸蔬菜雜菇樣樣有， 就係腸都已經有好幾款…超多款肉類供你選擇感覺排山倒海的， 令人見到都很興奮。燒蝦 也是很不錯的選擇，賣相很吸引喔~其中也有幾款送酒小食加五十八蚊一位還可以 任食 生蠔同松葉蟹， 啲蠔又肥又 新鮮 大隻， 今天有口福了淨係自己一個都已經食咗一打生蠔:哈哈，淨係呢度已經回曬本了。再揀咗 一啲我最喜愛嘅肉類嚟燒已經飽飽， 個人特別喜愛西冷牛同埋牛仔骨，呢兩款牛係冇醃制㗎，燒嘅時候係需要調味(枱上面已經準備咗一樽樽鹽放咗喺到)或者可以喺出面沙律吧個位置在自己揀其他燒汁調味料。[我哋另外加咗六蚊 要咗牛油紙放喺路上面用作燒烤 ，好方便呀，啲食物冇咁快痴底