喜來稀肉 (瓊華中心) (已結業)

同个肚饿得嚟又唔可以食太多嘅朋友去食晚饭，所以当然由佢决定食乜嘢比较好，跟住两个人就走咗去旺角，等佢带路嚟咗喜来稀肉。地点都算方便，旺角地铁站想去行几分钟就到。虽然系星期六，但系可能嚟到嘅时候差唔多9:00左右，所以唔使等位直接就有卡位坐。因为朋友之前已经嚟过食嘢，所以交俾佢发办。至于前菜方面系自己出去自助攞嘅，攞几多食几多，想特别提一下佢嘅泡菜好好味。首先系牛五花，啲牛肉冇乜腌制过，所以食落去都非常有牛肉味，我同佢都比较喜欢净系点盐食，可以保留比较多牛肉味。跟住系一个韩式烤猪皮，猪皮嘅份量都算好好，烧完出嚟食好香，完全唔会觉得肥腻，食完争啲想再嗌多份。仲有叫咗一个蟹籽紫菜饭团，佢系要自己加埋啲沙律酱落去带住手套用手捞嘅，味道都唔错。其实最后要讲下佢嘅卢边蛋，一边有芝士一边冇芝士，两边都好好食，食完仲可以叫人嚟refill。非常抵赞，总括嚟讲好味得来性价比亦都非常高，绝对可以再食。