校長燒肉日韓料理 (已搬遷) 新店位置

又就黎過年啦，收爐前緊係要食好ddd啦，校長燒肉好有過年氣氛，門口就已經擺左勁大隻吹氣財神公仔迎接我地既黎臨，一早就book左張卡位，可以舒舒服服慢慢燒其實燒熟d野食都要段時間，未咁快食得又肚餓既話，不妨試下d熟食，有人蔘雞湯、炸洋蔥圈、東風螺仲有d刺身，好似係蟹柳、螺肉、虎蝦，當然唔少得中華沙律、帶子裙邊同辣味螺肉，壽司方面都有灸燒三文魚添燒雞翼，我鍾意食，所以拎左好多隻雞翼，將燒烤紙燒到黑左都唔緊要，都只係加7蚊就有可以keep住換，抵呀！甜品有朱古力奶凍同我至愛既紅豆雪糕添