影片
更多
2024-02-10
755 浏览
衬天气好入咗湿地公园，又唔想食公园入面的饭堂，就行咗去Wetland个面揾好嘢食，咁就揾咗个超好食的法包。爆脆烧腩肉法包餐 $52以我食过的法包嚟讲，呢个一定入硬头三甲，真系好开心食咗个咁正的法包。法包烘得外脆内软系基本，佢的脆系一咬落去，啡色的面包皮就会直接变成一块块酥脆的薄片，口感一流，而法包亦有好香的牛油味，单系个包都已经好正。法包馅的烧腩仔更好食，老实讲我甚至觉得佢比中式烧味舖做得更好食。烧腩肉的皮好香脆，同法包有得挥，腩肉松软，猪肉味浓郁，油脂位好香，但又唔会好咸，配埋是拉差酱，成个法包的味道升华哂🥰薯条热辣辣，有烫口的感觉，唔通即叫即炸即上碟？🤣呢个餐以$52嚟讲真系好优质，我觉得我下次可以自己队一整个包😆越式三宝捞檬 $62（扎肉三片、鸡翼二只、春卷二件）鸡翼好有牛油的香味，亦炸得好香脆；春卷外皮酥脆，但内馅有少少咸；扎肉都唔错；生菜丝同红萝卜丝都好爽口；檬粉有少少位黏埋一旧，但so far都ok，加咗花生都几香口。其实成碗捞檬都唔系话差，但有法包珠玉在前，我下次都系叫多个法包😆柚子大虾沙律 +$18大虾非常爽口弹牙，又够大件，柚子肉大大粒，而且好甜，底下的椰菜好清爽，配
衬天气好入咗湿地公园，又唔想食公园入面的饭堂，就行咗去Wetland个面揾好嘢食，咁就揾咗个超好食的法包。
爆脆烧腩肉法包餐 $52
以我食过的法包嚟讲，呢个一定入硬头三甲，真系好开心食咗个咁正的法包。
法包烘得外脆内软系基本，佢的脆系一咬落去，啡色的面包皮就会直接变成一块块酥脆的薄片，口感一流，而法包亦有好香的牛油味，单系个包都已经好正。
法包馅的烧腩仔更好食，老实讲我甚至觉得佢比中式烧味舖做得更好食。烧腩肉的皮好香脆，同法包有得挥，腩肉松软，猪肉味浓郁，油脂位好香，但又唔会好咸，配埋是拉差酱，成个法包的味道升华哂🥰
薯条热辣辣，有烫口的感觉，唔通即叫即炸即上碟？🤣
呢个餐以$52嚟讲真系好优质，我觉得我下次可以自己队一整个包😆
越式三宝捞檬 $62
（扎肉三片、鸡翼二只、春卷二件）
鸡翼好有牛油的香味，亦炸得好香脆；春卷外皮酥脆，但内馅有少少咸；扎肉都唔错；生菜丝同红萝卜丝都好爽口；檬粉有少少位黏埋一旧，但so far都ok，加咗花生都几香口。
其实成碗捞檬都唔系话差，但有法包珠玉在前，我下次都系叫多个法包😆
柚子大虾沙律 +$18
大虾非常爽口弹牙，又够大件，柚子肉大大粒，而且好甜，底下的椰菜好清爽，配埋个辣辣哋的sauce，真系好惹味😄
跟餐餐饮有茉香绿茶&越南椰香咖啡 (+$13)
茉香绿茶茉莉味好浓，饮落唔涩，唔错👍🏻咖啡同椰子味都好夹，香浓得嚟有椰香的甜味，呢杯咖啡都好好饮。
香芒雪露 $38
芒果肉够哂大旧，而且好甜，数到起码有十块；西米粒粒分明，口感软糯，份量都好多；芒果糖水底好香甜，无药水味，唔错👍🏻雪糕口味三拣一，拣咗椰子味，椰子雪糕食落好香，质地都好creamy，正呀😍
Viesta Express (天水围)
天水围湿地公园路1号Wetland Seasons Bay地下19号舖
*上述文章只供参考及以当时价格为准
张贴
