Marine Seafood Bar & More (已結業)

今日去观塘日升中心，同个客倾Project。开完会本来打算，去开果间素食店食斋。点知未行到，转角发现咗一间新开西式海鲜扒房，即时转軚试新野。地方相当宽敞，装修以黑色为主调，几有格调。 睇下menu，食物价钱都几合理，唔算太贵。生蚝仲要系9蚊只，上FB like埋，仲有9折。 不过由于寻晚同班friend刚食完海鲜 Buffet，所以今日唔想食生蚝。 见到隔离台食紧碟德国猪手，好似好好味，所以我都照跟，点了德国猪手，加多杯冻柠茶。冻柠茶同糖水分开上，客人可以随自己口味调校甜度，很不错。茶味比较淡口，但仍可以接受。德国烧猪手好大只，配薯角，腌酸菜。 服务员很贴心，建议安排将猪手切件碎上，食起上来比较方便。猪手外表看来略为干身，猪手皮卜卜脆，轻轻用刀一切就骨肉分离。皮下肉质保持嫩滑，没有猪嘅腥味，入口仍可以食到肉汁，咸香惹味。 而腌酸菜刚好可以中和猪手油腻感觉。由于有Wifi提供，下次可以同埋个客来，边做边倾个Project。