La Moo Moo' s Steak and Fries

营业中

休息中

环境5分：正常西餐厅格局，楼底好高，非常开扬嘅景观，扒房黎讲Ｄ灯好romantic，可以畀五分。卫生5分：地方望落都好干净企理，安心可以畀五分。服务5分： Ｄ外籍服务员好friendly，落单上菜够爽手，加水加到冇停手，爆场情况下都无影响，中途都有问对食物满唔意同够唔够饱，一样满分。味道5分：1)      凯撒沙律入面D罗马生菜非常新鲜，沙律酱汁刚刚好，唔会太多唔会太少，面包糠卜卜脆，上面仲有四分一只温泉蛋，系加分位！2)      一个餐包分两半，每边用牛油烧过下，个包好软熟又脆皮同够热，真心好好食。3)      个忌廉南瓜汤非常浓郁，饮晒的确几饱肚。4)      长长嘅烧猪肋骨差不多有成十多节，差唔多成只碟咁长，侧边有薯条同少少沙律菜伴碟，薯条系任食嘅，加几多次都冇问题。主角猪肋骨非常之淋，基本上都唔使点用力就可以撕开Ｄ肉出嚟食，点埋个烧烤酱就非常之野味。抵食5分：三百几蚊又有餐汤，沙律，面包，主菜，薯条任食，重要系环境唔差嘅西式餐厅， 呢个价钱真系非常之抵食。