容記小菜王 (已易手)

一直都好想黎试下呢度既小菜直至今日去完旺角睇戏专诚搭车黎试六点左右黎到已经坐满左一半心谂都无揾左地方因为个人唔多爱吃猪只系叫左天下第一鸡(例牌),炸虾饼同北菇扒鱼腐天下第一鸡～话系例牌,但其实有半只咁多,新鲜蒸热好香,入口有好香既沙姜味同鸡味,唔点同上既酱汁已经好正,连我呢个平时唔多食鸡既人都忍唔住连食几件,滑得黎又软淋,果然系招牌走地鸡,抵佢台台都叫炸虾饼～又系另一招牌菜,佢唔似泰式虾饼咁炸到一个个波,而系不规则咁不同大细既,新鲜炸起,放入口食热到差d辣亲个咀,虾肉好弹牙,又有鲜味,点埋卡夫奇妙酱,味道不错北菇扒鱼腐～因为见之前有食家话呢度既鱼腐好味过鱼米家,突然好想食鱼腐就叫左呢个,但点知好失望,虽然份量唔少,但鱼腐唔系饱满既一件件,而系扁身既,口感差左好多,味道亦只属一般,好在冬菇都几厚身,而且成个送唔会油淋淋亦唔会好咸,ok啦碟碟份量都好大最后食唔晒都系要打包番屋企阿哥咁嘴刁既人偷食左件鸡都话个鸡唔错价钱唔贵又好味名符其实快靓正下次一定要翻炒题外话:服务真系好好隔离台唔知叫乜食时本来听到想叫一个辣既送但阿叔见佢有小朋友一齐食反提议佢叫另一个平d既菜无话"你死你事"