稻庭烏冬·鍋物日本餐廳 (已結業)

带三只马骝去蹓冰前，先医肚先！虽然系闲日，但撞正食午餐时候！食店都好多人排队！呢间食评唔错！重要无人排（因为价钱属中价）！即刻入坐！坐6人大卡位！装修以和式竹子为主题，唔知点解坐满人都好静！三小两大！叫三个定食最稳阵！叫咗：酱烧日本知床地鸡御膳--一盘上枱！烧鸡个样好靓！皮脆肉嫩！仲好重鸡味！配珍珠米饭绝配！成碟扫晒！仲有一碗冷乌冬！好滑！唯一唔好系上枱已经放在冷汁里，所以已经浸淋了！无咁弹牙！！！炸豆腐面豉汤好味！配料好简单只有海带同炸豆腐！唔会好咸！好味！沙律菜以火箭菜同红椰菜为主！比较苦！大人口味！新鲜爽脆，配酸汁好味！天妇罗盛合稻庭御膳--天妇罗有炸虾、茄子，炸浆唔厚！外脆内软！上枱仲热辣辣，个饭团咸香松软，虽然无乜馅料，但都好味道！冷乌冬未食已经比个容器吸引住，成个青竹造型！打开一束乌冬绕成8字，沾酱可以自己选择落唔落葱同芝麻！细心！！沾酱都够冻！乌冬比平时见嘅幼细，所以沾满汁时感觉丰富，而且即沾即食，唔会浸淋！三只马骝个个都要添食！吉列海鲜咖哩御膳--个咖哩汁好浓，难得系日式咖哩做到辣口，三只马骝全部食唔到，我同家姐分享！咖哩汁无乜配料！只有一块薯仔，红萝卜都无，薯仔炆得入