影片
更多
2022-05-29
154 浏览
烧鸡皮好好味上星期去咗油麻地整野，整完嘢之后就同佢一齐食饭，我哋去咗一间叫做MAKI拉面嘅餐厅，里面菜单呢有一款烧鸡皮真系好好食，烧过嘅鸡皮食落去唔会觉得好肥腻，而且仲有啲脆脆地嘅感觉，唔使加酱汁就咁食都好好食。讲返正题先，我哋每个人叫咗一个拉面医肚，分别系叫咗黑蒜油豚骨拉面，$78，同埋味噌豚骨拉面，$85。先讲黑蒜油豚骨拉面，上面嘅黑蒜有好多，汤底都有好浓郁嘅黑蒜油味道。豚肉两大片，肉质唔硬唔老，肥瘦适中，再加上有好浓郁嘅黑蒜油豚骨汤底，肉质都吸收左个汤底嘅味道，好入味嘅呢。仲有流心蛋，我就最钟意食流心蛋，所以觉得好好食。仲有啲葱花同埋木耳丝，令到成碗拉面嘅口感同埋风味都提升左。面条唔会好林，软硬度适中，而且有吸收左汤底嘅味道，都好入味㗎。至于味噌豚骨拉面，其实同头先讲嘅黑蒜油豚骨拉面差唔多，主要系味噌同埋黑蒜油嘅分别。同埋多咗啲芽菜，少咗啲木耳丝。香葱玉子烧$16，有好浓郁嘅蛋香，每一件都好结实，咬落去唔会散晒。盐烧鸡翼$16，烧嘅时间恰到好处，仲保留到鸡翼里面嘅鸡汁，唔会烧到干争争，啖啖肉，食到鸡肉嘅原始风味。盐烧秋葵$16，秋葵烧得比较干身，冇添加其他嘅酱汁，食返原始秋葵嘅味
上星期去咗油麻地整野，整完嘢之后就同佢一齐食饭，我哋去咗一间叫做MAKI拉面嘅餐厅，里面菜单呢有一款烧鸡皮真系好好食，烧过嘅鸡皮食落去唔会觉得好肥腻，而且仲有啲脆脆地嘅感觉，唔使加酱汁就咁食都好好食。
讲返正题先，我哋每个人叫咗一个拉面医肚，分别系叫咗黑蒜油豚骨拉面，$78，同埋味噌豚骨拉面，$85。
先讲黑蒜油豚骨拉面，上面嘅黑蒜有好多，汤底都有好浓郁嘅黑蒜油味道。豚肉两大片，肉质唔硬唔老，肥瘦适中，再加上有好浓郁嘅黑蒜油豚骨汤底，肉质都吸收左个汤底嘅味道，好入味嘅呢。仲有流心蛋，我就最钟意食流心蛋，所以觉得好好食。仲有啲葱花同埋木耳丝，令到成碗拉面嘅口感同埋风味都提升左。面条唔会好林，软硬度适中，而且有吸收左汤底嘅味道，都好入味㗎。
至于味噌豚骨拉面，其实同头先讲嘅黑蒜油豚骨拉面差唔多，主要系味噌同埋黑蒜油嘅分别。同埋多咗啲芽菜，少咗啲木耳丝。
香葱玉子烧$16，有好浓郁嘅蛋香，每一件都好结实，咬落去唔会散晒。
盐烧鸡翼$16，烧嘅时间恰到好处，仲保留到鸡翼里面嘅鸡汁，唔会烧到干争争，啖啖肉，食到鸡肉嘅原始风味。
盐烧秋葵$16，秋葵烧得比较干身，冇添加其他嘅酱汁，食返原始秋葵嘅味道。
泡菜豚肉串$26，一件薄薄地嘅豚肉包住啲泡菜，泡菜有少少偏酸，食落去酸咸酸咸嘅感觉。
汁烧茄子$12，一串有两件，每件上面都布满左酱汁，食落去好惹味。茄子烧到有八成嘅柔软度，食落去仲有两成嘅硬度。
日本焦糖布丁福饼两件$16，细细粒嘅焦糖布丁福饼，食完唔会觉得好滞或者好饱肚，有啲似甜品和果子咁细细粒。
烧油甘鱼，呢个好好食，如果冇记错好似系$95 ，烧到啱啱好时间 ，用筷子撩开，都已经见到鱼肉好细嫩，而且油脂分布好平均，食落去仲有鱼油香，旁边跟咗一小块柠檬，我觉得可以加可以唔加，因为净系食呢个油甘鱼已经好好食。
买单大概每个人$190左右，行出门口嘅时候，已经谂定下次再嚟嘅时候要再叫烧油甘鱼，同埋烧鸡皮，因为呢两样我觉得都真系几好食。
张贴
