新派韓食館 (已結業)

星期日中午，我同一个喺大围住既朋友Meetup, 之后经佢介绍之下，嚟到呢间餐厅用餐。呢间韩国餐厅午餐嘅时候可以拣一般午餐同埋韩烧。我哋拣咗韩烧，虽然同时间冇乜人拣韩烧。睇睇个餐牌88蚊一个人，除咗可以出面自取饮品同埋食物之外，仲包一碟肉类，可以拣鸡肉、牛肉、猪肉等等，如果要追加多一碟就畀多20蚊，价钱都合理。烧肉放题限时个半钟，但系过咗时都冇赶我哋走。听店员讲，原来夜晚都有韩烧食。价钱148蚊贵啲，但系肉类就唔使加钱柯打，可以喺出面自己拎，所以计落晚市应该会抵食啲。我拣左沙嗲汤底，呢款汤底系我嘅至爱。1) 火锅物 (⭐⭐⭐⭐⭐):我地自取左唔少火锅食物，譬如响铃。响铃吸晒火锅啲汁，好入味，另外仲有生菜，可以平衡番火锅嘅热气，感觉健康一点。芝士肠同埋红肠都系我嘅至爱。2) 烧鸡翼 (⭐⭐⭐⭐⭐):肉类方面，钟意烧鸡翼。不过烧嘅时间比较耐，要两个字先至烧得熟，未熟透既话就内里有啲红。贪快既话可以先放落火锅果边再转去烧烤果边。3) 豚肉 (⭐⭐⭐⭐⭐):我地仲点咗啲豚肉，望上去浅红色一点，比牛肉簿身，而份量比牛肉多啲。仲有饮品柜:埋单一二百蚊一个人，超级饱肚！