影片
更多
2022-04-28
1008 浏览
今日过嚟柴湾拜山，完咗就系附近揾嘢食。见到呢间茶餐厅门口劲多人等位！为食嘅我，见有人排紧即系代表好食啦所以就紧系排队等食✌🏻餐厅午饭时间真系好多人，卡位都要搭枱，我地就坐2人枱。睇下有咩好食先，听到个个都食烧味饭，所以我都要试下😬烧鹅五宝饭：哇，一上枱见到全部都系烧味，正呀！五宝当然有烧鹅，叉烧，红肠，豉油鸡同咸蛋！老公边食边话今餐胆固醇超标啦，但又不停话好好食。烧鹅做到皮脆肉嫩，唔会食到成口油，肉有阵香味又嫩滑，一啲都唔柴，真系好耐无食过咁好食嘅烧鹅，完全唔系平时街市烧味档软料嘅货式。真系好好好好食另外，咸蛋又系无得输！见唔见到咸蛋漏油㗎！真系有油咇出嚟，平时好难买到啰。咸蛋又唔会过咸，漏油起沙烧鹅烧肉。鹅油拌面呢个真系一试难忘，首先份量应该有1.5个粗面。其次佢个粗面做得好好食，爽口弹牙 ，唔会痴住一pat。鹅油拌面个粗面一啲都唔会觉得油，你地睇下我食哂成碗面个碟底都唔会好油 。烧肉个皮好香脆松化，肉质又嫩。我系烧肉控都觉得好食，脆卜卜，沾埋芥末酱完美！果碗汤我就饮左一啖，觉得碱水味重啲同偏咸，所以个人就唔太中意饮。。午餐都包一杯饮品，我地嗌左热菜蜜同龙凤柠乐。整体上，呢间餐厅烧鹅
餐厅午饭时间真系好多人，卡位都要搭枱，我地就坐2人枱。睇下有咩好食先，听到个个都食烧味饭，所以我都要试下😬
烧鹅五宝饭：
哇，一上枱见到全部都系烧味，正呀！五宝当然有烧鹅，叉烧，红肠，豉油鸡同咸蛋！
老公边食边话今餐胆固醇超标啦，但又不停话好好食。烧鹅做到皮脆肉嫩，唔会食到成口油，肉有阵香味又嫩滑，一啲都唔柴，真系好耐无食过咁好食嘅烧鹅，完全唔系平时街市烧味档软料嘅货式。真系好好好好食
另外，咸蛋又系无得输！见唔见到咸蛋漏油㗎！真系有油咇出嚟，平时好难买到啰。咸蛋又唔会过咸，漏油起沙
烧鹅烧肉。鹅油拌面
呢个真系一试难忘，首先份量应该有1.5个粗面。其次佢个粗面做得好好食，爽口弹牙 ，唔会痴住一pat。
鹅油拌面个粗面一啲都唔会觉得油，你地睇下我食哂成碗面个碟底都唔会好油 。
烧肉个皮好香脆松化，肉质又嫩。我系烧肉控都觉得好食，脆卜卜，沾埋芥末酱完美！
果碗汤我就饮左一啖，觉得碱水味重啲同偏咸，所以个人就唔太中意饮。。
午餐都包一杯饮品，
我地嗌左热菜蜜同龙凤柠乐。
整体上，呢间餐厅烧鹅烧味都好出色！难怪饭市咁多人，真系源源不绝嘅人流。食好嘢，真系要排队㗎！
张贴
