榕記陳皮燒鵝 (首都廣場)

营业中

休息中

咁啱去开尖沙咀买嘢，撞正晚饭时间，一个人食又唔知食乜好。咁啱经过呢间餐厅，俾佢门口𠮶只巨型烧鹅模型吸引左。睇见佢门口都放咁大只烧鹅做招徕，相信烧鹅一定系佢嘅招牌，咁就试咗一个烧鹅五宝濑粉，烧味餐除咗配饭之外，仲可以拣配濑粉或者米粉👍。五宝就包括烧鹅、烧肉、叉烧、油鸡、咸蛋。呢个五宝配料都算唔话得，至少冇比红肠又当系一宝😂。烧鹅确实几好味，个皮非常之脆，充满油香。烧肉亦都唔会太咸，个皮亦都系非常松脆。油鸡就冇乜特别，正常嘢，唔会话太咸。叉烧系半肥瘦，亦都系味道啱啱好！