影片
更多
2022-06-26
444 浏览
提起深井，香港人一定会谂起烧鹅。烧鹅新鲜，皮脆多汁，就一定好食。但系我自己觉得裕记最好食嘅并唔系烧鹅，而系鸡煲翅，同埋酒酿鹅肝。裕记嘅鸡煲翅鸡味浓郁，好足料，但系收费好合理，一煲四位用都系HK$700左右。个煲上到嚟热辣辣，仲滚紧，睇返相都觉得正。至于酒酿鹅肝，价钱仲相宜，一碟只系HK$88。我自己唔钟意食内脏，裕记嘅酒酿鹅肝比较重酒味，所以冇乜内脏嘅味道，而且入口即溶，我每次去到都一定要叫，仲想买多碟打包。但系餐厅系唔会俾你攞走酒酿鹅肝嘅，佢哋话因为酒酿鹅肝唔系全熟，外卖嘅话有卫生问题，所以只可以堂食。裕记历史悠久，屹立到咁多年不无道理。餐厅环境方面，当然有历史痕迹，做街坊生意，唔会话好似贵价中餐厅咁靓，反而地下长期都系油油地湿湿地嘅，仲试过食食吓饭发现茶壶里面有只曱甴，当然职员知道都有即刻处理。所以如果你有洁癖，又或者系想揾个坐得好舒服，去打卡嘅地方嘅话裕记就唔系好适合你喇。💰: HK$300 pp (Dinner)💝: 7/10
裕记嘅鸡煲翅鸡味浓郁，好足料，但系收费好合理，一煲四位用都系HK$700左右。个煲上到嚟热辣辣，仲滚紧，睇返相都觉得正。
至于酒酿鹅肝，价钱仲相宜，一碟只系HK$88。我自己唔钟意食内脏，裕记嘅酒酿鹅肝比较重酒味，所以冇乜内脏嘅味道，而且入口即溶，我每次去到都一定要叫，仲想买多碟打包。但系餐厅系唔会俾你攞走酒酿鹅肝嘅，佢哋话因为酒酿鹅肝唔系全熟，外卖嘅话有卫生问题，所以只可以堂食。
裕记历史悠久，屹立到咁多年不无道理。餐厅环境方面，当然有历史痕迹，做街坊生意，唔会话好似贵价中餐厅咁靓，反而地下长期都系油油地湿湿地嘅，仲试过食食吓饭发现茶壶里面有只曱甴，当然职员知道都有即刻处理。所以如果你有洁癖，又或者系想揾个坐得好舒服，去打卡嘅地方嘅话裕记就唔系好适合你喇。
💰: HK$300 pp (Dinner)
💝: 7/10
张贴
