千樂燒味餐室 (已結業)

星期六过咗湾仔剪头发，等咗一排先到我剪，最尾都搞咗好耐先整完，走嘅时候好肚饿，都系食D嘢先返屋企啦。喺轩尼诗道路过时见到有间烧味餐厅，觉得几吸引，所以返转头再睇多次啱唔啱食。门口见到餐牌个价钱都好相宜，咁就入去食，唔再周围行啦。入去时已经决定系食个烧鹅叉烧饭套餐，睇图片已经觉得吸引。除咗有1碟叉烧拼烧鹅之外，仲有碟小食，一碗汤，热饮。烧鹅腌得够味，肉质唔会太硬，加上脆皮，好食。叉烧唔太肥，带蜜味，少少㶶边，好香口。拍青瓜开胃之余又可以食D蔬菜，唔会净系食肉咁油腻。地方整洁，价钱合理，出开湾仔会再嚟食~~