影片
更多
2008-09-29
199 浏览
今日特登入嚟深井试吓呢间连日本杂志都介绍嘅裕记大饭店系唔系名符其实咁正先。其实上次行过都想试吓架嘞，不过比门口排紧队啲人多到吓到我哋去咗第二度啫！一入到去就有侍应招呼我哋去咗一间房入面坐，呢间嘢究竟有几多间房？好大㖞！我哋叫咗： 半只烧鹅：我哋都知唔好叫例牌，因为唔知比咩嘢位你食，食唔晒都要叫半只，烧鹅最后先嚟，主角梗系最后出场嘅。好香炭烧味，真系皮脆肉嫩，但系唔系咁多汁，干身咗啲，唔知点解个碟就好多汁㖞，整体上都好好味嘅！ 炸蟹钳：炸粉唔厚，不过好似全部系墨鱼胶，食唔到有蟹味，够弹牙，但冇惊喜！ 豉椒炒鸭什：够惹味，可能我哋钟意食内脏啦，觉得好好味，又冇内脏嘅膻味，正！ 琵琶豆腐：大碟抵食，仲有好多菜垫底，啱啱炸起，皮脆内滑，味道亦唔错！ 可乐啤酒各一以为食唔晒，但我两公婆本著趁新鲜嘅原则，最后都系乜都冇剩！食完佢都差唔多收工啰，不过太早嚟真系冇位，招呼仲差少少，有好嘢食，夜啲就夜啲啦！
今日特登入嚟深井试吓呢间连日本杂志都介绍嘅裕记大饭店系唔系名符其实咁正先。其实上次行过都想试吓架嘞，不过比门口排紧队啲人多到吓到我哋去咗第二度啫！
一入到去就有侍应招呼我哋去咗一间房入面坐，呢间嘢究竟有几多间房？好大㖞！
我哋叫咗：
半只烧鹅：我哋都知唔好叫例牌，因为唔知比咩嘢位你食，食唔晒都要叫半只，烧鹅最后先嚟，主角梗系最后出场嘅。好香炭烧味，真系皮脆肉嫩，但系唔系咁多汁，干身咗啲，唔知点解个碟就好多汁㖞，整体上都好好味嘅！
炸蟹钳：炸粉唔厚，不过好似全部系墨鱼胶，食唔到有蟹味，够弹牙，但冇惊喜！
豉椒炒鸭什：够惹味，可能我哋钟意食内脏啦，觉得好好味，又冇内脏嘅膻味，正！
琵琶豆腐：大碟抵食，仲有好多菜垫底，啱啱炸起，皮脆内滑，味道亦唔错！
可乐啤酒各一
以为食唔晒，但我两公婆本著趁新鲜嘅原则，最后都系乜都冇剩！
食完佢都差唔多收工啰，不过太早嚟真系冇位，招呼仲差少少，有好嘢食，夜啲就夜啲啦！
张贴
