棋哥燒鵝餐室

营业中

休息中

久仰大名既棋哥烧鹅，今日星期六终于黎食，中午12:30 黎唔使排队，不过有机会要搭台，环境上都好似普通茶餐厅咁，都ok干净，侍应态度比较散漫，但基本既责任都有做到。今次叫左个棋哥烧鹅饭，$62 包饮品，等左唔使5分钟就已经上菜，卖相唔错，如果多几条菜就仲好，汁唔算多，但可以落单既时候叫多汁，饭都几多，女仔未必食得哂，烧鹅非要香，皮脆肉嫩，烧鹅皮有种几特别既烤味，好好食，鹅油肥膏都几多，唔钟意既可以自己咬走d膏。整体来讲，性价比唔错，份量足又好食，下次再帮衬。