影片
更多
2015-10-31
4135 浏览
取消约会，心情不爽，唯有去亲亲大自然﹗好采朋友仔撞啱有 BBQ party 预埋我啫。先去西贡白沙湾集合，再一齐搭街渡去三星。天气报告话今日会行雷闪电、横风横雨，所以取消廸士尼之旅，但依家雨都无滴啰，顶佢个天文台，情绪恶劣﹗心情不爽，要亲亲大自然，舒缓舒服。我最钟意就系海，微风送爽，带著海水既味道，远眺大海好 relax。又话搭车入西贡一定经白沙湾，都揾我笨架﹗我住新界架，行马鞍山西沙唔会经啰，远好多！的士表系咁跳，我个心跟住跳！终于到白沙湾码头喇，都几靓㖞又清静。无人既？搞错呀！唔等我。约左 13:00 加㖞，12:45 走晒，顶﹗点做搞手架，离晒谱！要我自己一个搭船去，吼﹗约会已经取消架啦，情绪低落，再长途跋涉黎到西贡，仲要一个人搭街渡，唔黑面就奇啦！火火火！哼﹗要我一个人搭船，今日取消左约会已经好唔开心架啦﹗阿叔仲问我仲咩得我一个，系咪上错船呀？咪班友未到约定时间走晒唔鬼等我啰，搞手问题，成班人我识 Alan 同 Jessica 两个啫。海风好舒服，希望好快能平伏因约会告吹而起既怀心情。一个人包船，好宁静。唔洗十分钟就到鱼排喇 ﹗但我依然火火地。原来白色衫、长头发个女仔就系搞手，
取消约会，心情不爽，唯有去亲亲大自然﹗好采朋友仔撞啱有 BBQ party 预埋我啫。先去西贡白沙湾集合，再一齐搭街渡去三星。天气报告话今日会行雷闪电、横风横雨，所以取消廸士尼之旅，但依家雨都无滴啰，顶佢个天文台，情绪恶劣﹗
心情不爽，要亲亲大自然，舒缓舒服。我最钟意就系海，微风送爽，带著海水既味道，远眺大海好 relax。又话搭车入西贡一定经白沙湾，都揾我笨架﹗我住新界架，行马鞍山西沙唔会经啰，远好多！的士表系咁跳，我个心跟住跳！
终于到白沙湾码头喇，都几靓㖞又清静。无人既？搞错呀！唔等我。约左 13:00 加㖞，12:45 走晒，顶﹗点做搞手架，离晒谱！要我自己一个搭船去，吼﹗约会已经取消架啦，情绪低落，再长途跋涉黎到西贡，仲要一个人搭街渡，唔黑面就奇啦！火火火！
哼﹗要我一个人搭船，今日取消左约会已经好唔开心架啦﹗阿叔仲问我仲咩得我一个，系咪上错船呀？咪班友未到约定时间走晒唔鬼等我啰，搞手问题，成班人我识 Alan 同 Jessica 两个啫。
海风好舒服，希望好快能平伏因约会告吹而起既怀心情。一个人包船，好宁静。唔洗十分钟就到鱼排喇 ﹗但我依然火火地。原来白色衫、长头发个女仔就系搞手，您想死呀！
第一次去鱼排烧野食，亦系第一次到三星，周围行吓考察吓先。比我想像中干净又骨子㖞，设备都好完善，厕所干净无嗅味，攞食物地方都整齐有条理，足够座位足够烧烤炉。四周景致开扬，四面环海，鱼排里面仲有几处设置左天井，可以直接钓鱼添。
原来烧烤场有专船免费接送架，但要够人先免费，散搭每程廿蚊。您就系 Host！大胆呀您！我连名都唔记得。
好肚饿呀，开波！大会都系提供一般大路食物，肠仔、红肠、杂丸、龙虾丸、多春鱼、鱼腐、鸡中翼、猪扒、牛扒、等等。
肠仔、红肠、杂丸们都稳阵安全，质量味道都合格既，无过咸。我一向烧烤食原味，连蜜糖都唔加。丸唔会成口粉、肠唔系怪味肠。鸡扒、猪扒、鸡中翼同样新鲜，全部都腌得香甜美味，无过火无过咸，食完唔会劲颈渴，良心食肆，good！猪扒同鸡中翼都非常美味，腌料加肉香，又烧得 juicy 带碳烧香气，正！
黑椒牛柳，烧到 7 成熟，切得够厚可以锁住肉汁，大啖一咬，牛肉肉汁全部没收，外层质地有赵口而里面软滑，黑椒味香浓，又几好味噃 ﹗
鱼腐，第一次烧鱼腐，Jessica 一试上瘾全力烧。成粒啪入口，口感一流，外脆内嫩，非常松化。不过我觉得太咸，我唔系太咸得。
张贴
