影片
更多
2023-10-27
134 浏览
呢排冻冻地系时候打边炉喇！平时通常都系食港式火锅多今次就去咗食日式嘅shabu shabu，做咩事咁豪咪就系呢间餐厅做紧买一送一优惠啰，咁鬼抵你话点可以唔去食吖。边间餐厅咁正咪就系沙田帝逸酒店入面嘅源峰啰！上次嚟食好嘢已经系3年前staycation嘅时候，久别重逢嘅我真系好鬼期待呀。呢度嘅环境依然系咁鬼正！居高临下又有落地玻璃好开阳好舒适。今次同埋一班好朋友嚟食梗系要饮番支清酒开心吓啦。呢枝车坂纯米吟酿酒香温和口感清脆味道微微酸，经过冷却后饮落更加好味。我哋今日食呢一个锅物有好多道菜，首先嚟嘅系前菜凉拌菊菜野菌鲣鱼汤浸渍，入面有啲菊菜仲有白舞茸同埋我第一次食嘅白占地茸，食落去好清香几唔错㖞。跟住嚟嘅系刺身总共有五款咁多！有中吞拿鱼腩、缟鯵、鲷鱼、牡丹虾同埋帆立贝刺身。五款都咁鬼新鲜不过重口味嘅我梗系钟意𠮶件中拖罗，贪佢够鱼油入口好鬼滑味道仲好香甜。跟住呢个系蟹肉茶碗蒸，铺到满晒嘅蟹肉下面系滑嘟嘟嘅蒸蛋，仲要鬼咁大碗细食嘅人睇路啊！因为仲有好多好嘢要食㗎。呢个𫚕鱼照烧劲厚肉好有咬口鱼味仲好浓，另外伴碟有啲芽姜同埋梅子可以解腻添。真系没完没了原来仲有个虾饼天妇罗，呢个虾饼香脆又足料不过都
边间餐厅咁正咪就系沙田帝逸酒店入面嘅源峰啰！上次嚟食好嘢已经系3年前staycation嘅时候，久别重逢嘅我真系好鬼期待呀。
呢度嘅环境依然系咁鬼正！居高临下又有落地玻璃好开阳好舒适。
今次同埋一班好朋友嚟食梗系要饮番支清酒开心吓啦。
呢枝车坂纯米吟酿酒香温和口感清脆味道微微酸，经过冷却后饮落更加好味。
我哋今日食呢一个锅物有好多道菜，首先嚟嘅系前菜凉拌菊菜野菌鲣鱼汤浸渍，入面有啲菊菜仲有白舞茸同埋我第一次食嘅白占地茸，食落去好清香几唔错㖞。
跟住嚟嘅系刺身总共有五款咁多！有中吞拿鱼腩、缟鯵、鲷鱼、牡丹虾同埋帆立贝刺身。
五款都咁鬼新鲜不过重口味嘅我梗系钟意𠮶件中拖罗，贪佢够鱼油入口好鬼滑味道仲好香甜。
跟住呢个系蟹肉茶碗蒸，铺到满晒嘅蟹肉下面系滑嘟嘟嘅蒸蛋，仲要鬼咁大碗细食嘅人睇路啊！因为仲有好多好嘢要食㗎。
呢个𫚕鱼照烧劲厚肉好有咬口鱼味仲好浓，另外伴碟有啲芽姜同埋梅子可以解腻添。
真系没完没了原来仲有个虾饼天妇罗，呢个虾饼香脆又足料不过都几鬼饱肚。
我一路留肚就系为咗等呢个鹿儿岛黑豚肉常夜锅出场，呢个锅除咗有黑豚肉之外仲有一大碗野菜同埋巨量乌冬，就算好似我咁大食嘅人见到都眼突啦。
呢个锅嘅汤底系清甜嘅昆布汤底，用嚟配肥美嘅黑豚肉真系好鬼啱Channel。
有好多大白菜同埋日本水菜，仲有京葱、菇菇同埋好鬼嫩滑嘅豆腐，配埋黑豚肉嘅香味呢啖汤好鲜甜，最后用嚟煮埋垫底嘅葛丝真系好食到停唔到口。
呢个黑豚肉份量真系多到一个点，放落汤底灼几下就已经可以食，肉质好有弹性肉味仲好香浓添。
如果你真系大食得咁紧要都唔使担心！因为呢个餐入边仲有个巨量嘅稻庭乌冬，我肯定几大食嘅人都应该可以捧住个大肚腩走人哈哈。
未完㗎我哋仲有甜品焦糖炖蛋食，又香又滑甜唔会好甜呢个甜品好好味㖞！嗱呢个日式火锅嘅套餐买一送一做到呢个月30号咋！每日只会供应10套( 20位客人)优惠要食嘅快啲订枱啦。
张贴
