爆丼丼 (已結業)

爆丼丼位于平日搭开嘅小巴站头，所以我已经留意咗一段好长嘅时间。门外嘅海报好吸引，每次都流晒口水咁，但次次都只系过门而不入，见佢可以响竞争咁大嘅荃湾生存到，应该都唔系泛泛之辈！今日我为咗避开人流，专登过咗 lunch hour 先去，去到入面一个人都冇，吓得我吖！店内面积唔算大，但非常干净企理，坐得好舒服。最近有优惠，第二碗半价（以价钱较低计算）。所有今日一于试吓佢哋嘅镇店之宝 - 四重爆丼，安格斯牛肉鹅肝丼（赠送饮品或味噌汤）。等咗一阵，四重爆丼就上枱喇！真系非。常。震。撼。真系同海报一样，只系size 不似预期啫！你以为大大碗，其实只系同普通饭碗差唔多，但饭量都有一碗多啲，一般女士或细食男士都够饱嘅！海胆占咗一半，份量有一板咁多，仲4大只带子、占咗1/4 嘅三文鱼籽，中间有吞拿鱼他他。海鲜新鲜冇异味，大口大口咁食，非常满足。等咗十分钟左右，安格斯牛肉鹅肝丼就上枱喇！因为佢要即叫即做，保证热辣辣先好食。安格斯牛肉味道浓郁，牛肉分量好多，食极都有。牛肉烤至微焦非常香口，配以偏甜酱汁，配饭一流。鹅肝有两大片，煎至脆边入口即溶，原本以为唔够饱，点知一碗就已经大满足！以午餐嚟讲，真系几贵吓，但