慶記 (已結業)

餐厅环境光亮，天花挂上好多灯笼，古色古香。而且空间感大，座位多，所以坐得舒服。主打上海菜式，有生煎包、排骨菜饭、冷面，捞面都有。叫左香酥排骨菜饭($48)，特色山葵酱青瓜冷面($38)，醉鸡卷(4件$16)，生煎胡椒包(2件$26)。菜饭加入左菜、菜干(?)，咸度适中，湿润。饭量比正常多。香煎排骨已经切成4件，煎炸到变极深色。size唔算大块，但肉好厚，所以啖啖肉。冷面好有惊喜，海量青瓜丝铺系面头，可以多酱或少酱，仲有紫菜丝点缀。拌匀后，食第一啖个阵，feel到好冰凉，超级适合夏天食，消暑又清新。芥末味唔会好呛鼻，系阵阵芥末清爽既感觉，面条湿润既，唔会觉得干身。面量仲非常多添，食唔哂。醉鸡卷亦系冰冻，肉嫩鸡皮爽，有阵阵酒香味。4大件属厚身，抵食。生煎包即叫即煎，所以要等大约20mins。热辣辣超好食，必叫。d肉汁不断流出黎，真系要小心食，会热亲嘴。胡椒味浓郁，如果唔钟意，可以叫番普通原味。包底煎完脆脆地添。整体，生煎包必试，好食到唔停口。而且其他食物既份量足，环境服务都好好，会encore。