龍鳳祥餃子館 (已結業)

食过八方**既煎饺，再同呢到既煎饺相比，真系高下立见。比较之下，静系煎法已经赢几条街喇。八方**只系轻微煎一煎，叫做有少少脆口，咁就交货。呢到既煎法系，将一面煎到金黄，另一面微脆，形成左两种口感。拿捏得岩岩好呀，煎多一分太热气，少一分就唔够脆口。煎饺脆口之余亦都好juicy，完全锁晒啲肉汁系入面。另外个馅都好足料，所以成个饺子咬落去系好丰富咖。温馨提示：要小心啲食，因为第一啖咬落去，系会爆汁咖!!!呢到既豆浆都几抵饮，只系$5，唔稀身，饮到豆味，比起便利店盒装既好饮。