堅信號上海生煎皇 (眾安街) (已搬遷) 新店位置

公司好近荃湾，而荃湾出名多好野食，所以成日放lunch 时都会过去荃湾食个lunch。呢排有d想食上海野，而咁啱又见到呢间食上海野嘅餐厅。我地叫左猪扒汤面，糖醋排骨，上海生煎包，无骨凤爪，菠萝咕噜肉。凤爪酸酸味味好开胃，上海生煎包更系呢间餐厅嘅招牌菜式，一咬开就爆晒汁，一定要小心食，好容易辣亲条利。但最神奇系菠萝咕噜肉居然系斋来，佢嘅口感好特别，唔会好淋身，可以造到肉嘅弹牙嘅质感，真系好神奇！埋单个时发现呢间铺头仲有酸菜鱼卖，下次可以试吓佢嘅酸菜鱼正唔正宗！