全記雲餃

营业中

休息中

喺附近做完嘢，天气冻又想饮啖汤，见到呢间食饺子有炖汤，一于嚟试吓。未入门口已经见到好吸引嘅*免费自助小食区*😂有酸萝卜、泡菜、花生拼腰果（不过腰果得返两三粒🤭）👍🏻👍🏻环境都几干净企理👍🏻每样都好似好吸引，今次试咗*冬菇马蹄汤饺*饺子皮又薄又滑👍🏻冬菇马蹄清清地几多肉汁👍🏻再加咗套餐担担面，可惜担担面系得清汤。另外叫咗*韭菜猪肉煎饺*食过好多间煎饺都系好似炸饺咁油淋淋，呢间煎饺几啱我口味👍🏻皮薄之余咬落去仲会爆汁👍🏻超级推介！再加花旗参石斛炖乌鸡汤，真材实料，本身系冇味嘅，想要咸啲就自己加盐。