爆汗串串 (已結業)

爆汗串串-食到爆汗天气冻就好想食辣野暖下个胃，竟然俾我系广华街见到间叫「爆汗串串」食四川野既餐厅，咁紧系唔可以错过，入去试下系咪真系可以食到爆汗。餐厅好贴心备有纸巾同一次性既围裙，唔惊整污糟件衫，咁我就可以不顾形象地食野。🐻冻豆浆$12用灯胆形状既樽装豆浆，有别于一般餐厅，豆浆唔会太甜，用黎解渴一流。🐻成都串串香$78/15串素菜同荤肉夹埋有成三十几款，选择都算多，最后我拣咗鱿鱼、黄喉、肥肠、秀珍菇、魔芋，我加多$10要多3串牛肉。未食都已经闻到劲香，一入口先系麻，之后就慢慢辣，虽然辣但越食越过瘾。🐻爆汗牛肉面（麻辣汤）$38牛肉份量多，入口又唔会韧，面好幼细，配上麻辣汤底，劲惹味。唔食得辣既朋友仔可以拣猪骨汤。🐻棒棒鸡$36成餐饭唯一既冷盘，以青瓜丝、鸡丝加上大量麻酱，青瓜丝劲爽，捞埋黎食成件事劲fresh。🐻成都老冰粉$15食完成晚辣野，一定要食返个老冰粉黎解辣，冰粉够晒冻，味道又唔会太甜，加上酒糟，提子干、山楂片同芝蔴，令到口感更加丰富。