爆爆鍋 (已結業)

呢間嘢都開咗好一段時間之前一路行過都以為佢係食乾鍋，終於有都同女朋友嚟試吓。原來佢呢度係主打一人一鍋嘅套餐火鍋，呢度啲鍋底都好有特色。每一個餐都會有一個特色鍋底一份自己揀嘅肉類，煮主食，蔬菜盤，小食同飲品。女朋友揀咗個肉骨湯底，見到佢個排骨好大嚿，湯底都好濃郁。除咗係固定份量之外，出邊其實仲有好多蔬菜俾你自己拎，應該叫做半自助形式。女朋友叫咗個海鮮拼盤，總共四款海鮮包括有沙白，魷魚，魚片同埋鮮蝦，個份量都好充足㗎，海鮮都幾新鮮，啲蝦都好彈牙。而我自己就揀咗個牛肩肉餐，佢個蔬菜盤其實包咗炸芋頭，芋頭丸，豆腐呢啲出面冇得拎嘅。而我呢個湯底就有表演睇，因為揀咗個烏雞湯底，佢會有兩舊石頭喺個鍋度，然後加湯之前佢會點火爆一爆佢，所以呢度就叫做爆爆鍋。另外我哋加咗兩個小食一個係炸魷魚一個係鹽酥雞。佢個鹽酥雞都幾好食㗎，啲炸粉唔會太厚，亦都唔會炸到太乾。然後再加左兩杯台式嘢飲，我自己試咗個橙茶，女朋友女朋友嗰杯就係蜂蜜檸檬綠茶。食完之後，原來仲有兩個雪糕，食埋呢個甜品就真係好飽啦。