HAND3AG (K11購物藝術館) (已結業)

我知K11新开左间爆馅三文治既铺头，一于去食返够。我地叫左三款三文治，全部都劲大份，爆馅既感觉好爽!欧陆监狱铁板三文治，夹住玫瑰芝士烩通心粉、普罗旺斯炖肉丸、脆薯饼、水晶生菜、㶶边流心蛋、熔岩芝士。我最钟意呢款，成个配搭好夹，方包索左啲通心粉既汁，口感丰富，一定要食。拉面叉烧铁板三文治，夹住日式叉烧片、味噌拉面、味付溏心蛋、味付笋丝、牛油粟米粒、熔岩芝士、味噌蛋黄酱。配搭新颖，食落口感毫无冲突，几得意。慢调撕理食肉獣铁板三文治 ，夹住手撕牛仔排、爆边流心蛋、番茄片、水晶生菜、车打芝士、芥末籽蛋黄酱。呢款都好食，香脆既方包包住满泻既馅料，好满足。3日3夜自家手切薯条系必配既食物，等于汉堡包配薯条甘。薯条系粗薯，外脆内软，好邪恶。自家制蟹肉忌廉饼配他他酱，新鲜炸起，好香口，唔油腻。芝士烤普罗旺斯炖肉丸，系猪肉加牛肉一齐整成既肉丸，整得好入味。饮品叫左热黑咖啡、雀巢柠檬茶同龙珠茉莉花茶。