Chotto Maki (利源西街) (已結業)

其实间餐厅系区内都颇具名气，唔少中环嘅打工仔都嚟帮衬。因为Chotto Maki 主打外卖，所以店内其实只有几张枱，食物嘅制作系喺开放式厨房度，卫生控制做得几好。我点咗嘅Sea Monster非常足料，叫得做Sea Monster当然系海鲜馅料为主，包著蟹肉、天妇罗虾、青瓜丝嘅卷物，上面淋上樱花虾同炸蒜片，系视觉同味觉嘅享受！另外我朋友就拣咗Philadelphia，材料有牛油果、三文鱼同蟹子，卷物切成8旧一口食得晒嘅大细，同样值得推介。