La Casa Burger & Pasta (文咸東街) (已結業)

同同事系上环见完客, 顺便系附近揾餐厅医肚。经过见到间主打Burger、意粉嘅餐厅, menu上嘅特色burger都几吸引, 就入去试试。餐厅面积不大, 有几张细台做堂食。某些角落有霓虹灯亮起做装饰, 再加上以白色石砖做墙壁, 感觉几有美式风格。自行到柜位落order, 堂食全日免加一。我地各人order了Combo餐, 主食再加钱追加小食+饮品。我拣咗【西冷黑松露水牛芝士】HK$89一打开个盒, 已经见到多片牛肉叠起, 再有半溶芝士附于牛肉上, 热辣辣时掀开包面, 果然有拉丝啊!! 牛肉刚好熟, keep到些少肉汁; 再以黑松露酱取代传统burger嘅沙律酱, burger 同样夹了生菜、索哂汁嘅洋葱丝同磨菇片, 增加了菇菌味同层次口感。【大虾香蒜橄榄油意粉】HK$78每啖意粉都有好重嘅蒜香同埋橄榄油味, 虾好爽, 不过欠缺鲜甜。两款主食再追加了小食:+$18 追加薯角虽然烘得微脆不油, 但连盐都冇落, 味道好寡。+$18 原味鸡翼鸡翼表面几香, 肉质唔会太干身。