影片
更多
2008-09-20
4 浏览
19-9-2008到「下场」前揾地方食 dinner, 同行朋友系九龙区路盲 (?) 0既关系, 被我「拐带」到我一直想试的谭仔 虽然自己唔受得辣, 但0黎到云南/四川米线专门店又无理由唔试试有辣的汤底, 结果要了最大堆头的过桥米线 ($39), 配小辣 5 级 (ie 最最最最最少辣) 麻辣汤底 (加 $1), 加杯冻奶茶以备「不时之需」; 另加一细份蒜泥白肉 ($20) 同朋友 share 食.蒜泥白肉咁0既卖相, 叫「红油白肉」会更贴切 白肉几肥, 片得好薄, 浸0系一「池」红油入面, 面头就有劲多生蒜蓉, 味道又唔算好辣, 蒜味强烈, 舌头都痹埋, 食得过瘾, 唔错唔错.过桥米线份量系大得十分吓人, 个碗仲大过我个头! 先呷啖汤底, 系先麻后辣 (亦当然愈食愈辣), 到最后舌头及嘴唇都劲痕, 哈哈. 米线渌得刚好, 爽口又索汤, 仲浸极都唔会「发大」and/or 腍晒, 劲! 可惜份量太多, 食唔晒; 配料乜都有 d, 鸡肉几0鞋不过几腍, 牛肉猪肉无味六梳打, 猪润太硬又带点苦涩, 竹笙爽口索汤, 腐竹几有咬口, 墨鱼丸弹牙又足料, 牛丸弹牙但就几「粉团」, 仲
到「下场」前揾地方食 dinner, 同行朋友系九龙区路盲 (?) 0既关系, 被我「拐带」到我一直想试的谭仔 虽然自己唔受得辣, 但0黎到云南/四川米线专门店又无理由唔试试有辣的汤底, 结果要了最大堆头的过桥米线 ($39), 配小辣 5 级 (ie 最最最最最少辣) 麻辣汤底 (加 $1), 加杯冻奶茶以备「不时之需」; 另加一细份蒜泥白肉 ($20) 同朋友 share 食.
蒜泥白肉咁0既卖相, 叫「红油白肉」会更贴切 白肉几肥, 片得好薄, 浸0系一「池」红油入面, 面头就有劲多生蒜蓉, 味道又唔算好辣, 蒜味强烈, 舌头都痹埋, 食得过瘾, 唔错唔错.
过桥米线份量系大得十分吓人, 个碗仲大过我个头! 先呷啖汤底, 系先麻后辣 (亦当然愈食愈辣), 到最后舌头及嘴唇都劲痕, 哈哈. 米线渌得刚好, 爽口又索汤, 仲浸极都唔会「发大」and/or 腍晒, 劲! 可惜份量太多, 食唔晒; 配料乜都有 d, 鸡肉几0鞋不过几腍, 牛肉猪肉无味六梳打, 猪润太硬又带点苦涩, 竹笙爽口索汤, 腐竹几有咬口, 墨鱼丸弹牙又足料, 牛丸弹牙但就几「粉团」, 仲有食0左都唔记得的韮菜, 芽菜及葱段. 另外不得不提分开上的带甜炸酱, 唔辣的, 好惹味, 空口食都得.
朋友的系鸡肉 + 猪肉 + 牛肉 + 豆卜米线清汤底 ($28), 比我的细碗, 但仍然好大碗, 结果佢又系食唔晒.
环境新净阔落, 似乎系新店开张无耐? 阿姐们有求必应, 招呼 ok.
每人约 $50 食到捧住个肚走, 劲抵, 不过自己始终唔系辣人, 未食完一碗已烂了声, 试了一次未必会再试了.
张贴
