麗香園冰室 (興華廣場)

营业中

休息中

朋友知我钟意朱古力，话呢间既荷兰谷咕好好饮~包我冇饮过咁浓既朱古力饮品就约左今晚带我黎试下!地点系柴湾地铁站附近，一去到系好光猛既冰室隔局，但6点几去到竟然都要等位，见咁多人食都知应该几正下!好彩等左阵就有位，朋友推介鲜茄焗炸鸡脾饭，就叫黎试下，另外再叫左两个小菜，当然唔少得专登为佢而黎既荷兰谷咕!荷兰谷咕首先一定要讲我最期待既荷兰谷咕先!一黎已经见到好浓既朱古力色~饮一啖真系非常惊喜!底层系暖暖地，吸一啖就饮到好浓好杰既朱古力，从来未试过饮一杯咁浓既朱古力饮品!感觉好似食紧一个朱古力甜品咁，朱古力控一定要叫呢个!如果嫌太浓可以沟一沟匀先或者饮一啖底层饮一啖面层，咁就有两种唔同既感觉~鲜茄焗炸鸡脾饭朋友推介!个人认为系焗猪扒饭既变奏版~只系将猪扒换成炸脾~焗饭有炒底，鲜茄酱够多所以饭底唔会干争争，鸡脾好大只，炸得好脆，鸡肉腌得够香又唔鞋，确系几好食既!椒盐凤尾虾其中一款晚餐，有汤有饭同饮品~汤要左罗宋汤，上台热辣辣又唔会过酸，唔错! 椒盐凤尾虾一黎已经闻到好香炸蒜味，一食落口真系狂赞~仲正过朋友推介个焗饭!D虾炸过再落D椒盐同辣椒一齐炒，又香又惹味!成只摆左口，连壳都食埋，脆卜卜好香口