影片
更多
2018-08-02
466 浏览
约了好友来铜锣湾睇家私，由于友人连午饭也还没吃，所以决定先去附近找个地方吃顿 early dinner，才继续行程。沿著骆克道往铜锣湾方向走，喺鹅颈桥附近发现这间「千里屋食堂」，走近细看，原来是一间主打和牛嘅餐厅。翻查网上资料得知，餐厅其实系由大阪一间专卖日本黑毛和牛及澳洲和牛嘅食材店「千里屋肉工房」开嘅，据说该食材店喺日本有近十间分店，其出品于部分日式超市，如 Aeon 及一田超市都可以买到，睇嚟质素应该有保证，反正路过，一于入内试试。餐厅原来已经开咗大约半年，店内地方不大，只有约二十余个座位。用餐区以浅木色为主调，装潢简约亲切，有点似日式快餐店，气氛轻松，令人坐得舒服自在。打开店员送上的餐牌，食物以牛为主，不过花款都唔少，有牛肉丼饭、和牛套餐、寿喜烧、铁板牛扒、日式牛肉火锅、牛肉乌冬、牛肉荞麦面，另外亦有一系列小食同饮品等，选择亦颇丰富，一于各自点选自己嘅心头好，然后再齐齐分享。先讲下呢客和牛铁板3种牛扒 ($298)，牛扒以托盘盛上，三款肉分别为牛五花、肩肉同里脊肉，上桌时附有白饭同味噌汤，并配上山葵、烧肉汁同海盐。先尝一口味噌汤，味道咸鲜有致，入口甘甜，令人胃口大开。三款肉当
约了好友来铜锣湾睇家私，由于友人连午饭也还没吃，所以决定先去附近找个地方吃顿 early dinner，才继续行程。沿著骆克道往铜锣湾方向走，喺鹅颈桥附近发现这间「千里屋食堂」，走近细看，原来是一间主打和牛嘅餐厅。
翻查网上资料得知，餐厅其实系由大阪一间专卖日本黑毛和牛及澳洲和牛嘅食材店「千里屋肉工房」开嘅，据说该食材店喺日本有近十间分店，其出品于部分日式超市，如 Aeon 及一田超市都可以买到，睇嚟质素应该有保证，反正路过，一于入内试试。
餐厅原来已经开咗大约半年，店内地方不大，只有约二十余个座位。用餐区以浅木色为主调，装潢简约亲切，有点似日式快餐店，气氛轻松，令人坐得舒服自在。
打开店员送上的餐牌，食物以牛为主，不过花款都唔少，有牛肉丼饭、和牛套餐、寿喜烧、铁板牛扒、日式牛肉火锅、牛肉乌冬、牛肉荞麦面，另外亦有一系列小食同饮品等，选择亦颇丰富，一于各自点选自己嘅心头好，然后再齐齐分享。
先讲下呢客和牛铁板3种牛扒 ($298)，牛扒以托盘盛上，三款肉分别为牛五花、肩肉同里脊肉，上桌时附有白饭同味噌汤，并配上山葵、烧肉汁同海盐。先尝一口味噌汤，味道咸鲜有致，入口甘甜，令人胃口大开。
三款肉当中，以牛五花嘅油花最劲，肉质非常松化，既软腍又柔嫩，入口即溶，而且鲜甜的肉汁在口中弥漫，让人齿颊留香。牛肩肉亦很有水准，不但肉质具弹性，而且油花细致均匀。另外里脊肉就带微微韧劲，肉味愈嚼愈浓，食完亦完全无腻感。
至于另一客就拣咗熟成牛肉丼 ($159)，牛肉丼配套唔多，上桌时只附有一小碗味噌汤，但个丼卖相劲有睇头，饭面铺满安格斯牛翼板肉，望落去好似一座和牛塔咁，造型澎湃，用来影相呃 like 一流。白饭以高级日本大米煮成，食落有牛香。安格斯牛翼板肉份量劲多，足足有成 300克，嫩度适中又带嚼劲，尤其喜爱面头的酱汁，味道甜甜酸酸，加上牛肉本身的香气，非常滋味！
饮品可以拣 Soft Drink 或者 Alcoholic Drink，如果是 Happy Hour 到访的话，仲会有特价优惠。另外值得一提就系店舖嘅营业时间，竟然系去到至凌晨三点，就算饮完酒，又或者睇完午夜场再嚟宵夜，应该都无问题。虽然我和友人两个都并不是牛魔，但这顿饭亦吃得非常满意，如果阁下是爱牛一族，绝对值得一试。
张贴
