影片
更多
2022-09-09
63 浏览
爱食辣嘅朋友去荃湾揾嘢食，见到呢间麻辣餐厅，非常有兴趣，虽然我嘅食辣指数只系bb级，但既然朋友开到口，一于奉陪到底。餐厅装饰带有田园风，坐得舒服。睇住张餐牌都唔知食咩好，咁就梗系参考下隔离枱食咩先啦。估唔到差唔多每枱都会叫土豆丝㖞，咁一于试个土豆丝啦。朋友钟情酸菜鱼，呢个都系必点嘅。加埋老板娘推介嘅黄金皮蛋，就系今晚晚餐啦。酸菜鱼加一份薯粉。哗，一大碗上枱，份量十足。里面有花椒，八角，大量酸菜同比较少见嘅海带，非常足料。个汤酸度十足，辣度虽然系bb辣，但对我黎讲已经辣到流鼻水，朋友就觉得可以再辣啲。薯粉非常吸味，QQ弹牙，我地都争住食。至于主角系鲩鱼，鱼肉嫩滑，完全唔会腥。酸辣土豆丝，差啲俾个样呃左，以为系普通炒薯仔丝，但食落好爽脆，唔系平时嘅淋擗擗薯仔，少少酸辣味令土豆丝更出色，朋友少食淀粉质都忍唔住口食多几条。黄金皮蛋，唔系平时见嘅黑色皮蛋，而系金黄色嘅流心蛋，弹牙入味，辣味十足，作为凉菜，非常惹味，朋友对呢个赞不绝口。呢几道菜都好惹味，辣得好过瘾，爱辣嘅朋友可以试下
餐厅装饰带有田园风，坐得舒服。
睇住张餐牌都唔知食咩好，咁就梗系参考下隔离枱食咩先啦。估唔到差唔多每枱都会叫土豆丝㖞，咁一于试个土豆丝啦。朋友钟情酸菜鱼，呢个都系必点嘅。加埋老板娘推介嘅黄金皮蛋，就系今晚晚餐啦。
酸菜鱼加一份薯粉。哗，一大碗上枱，份量十足。里面有花椒，八角，大量酸菜同比较少见嘅海带，非常足料。个汤酸度十足，辣度虽然系bb辣，但对我黎讲已经辣到流鼻水，朋友就觉得可以再辣啲。薯粉非常吸味，QQ弹牙，我地都争住食。至于主角系鲩鱼，鱼肉嫩滑，完全唔会腥。
酸辣土豆丝，差啲俾个样呃左，以为系普通炒薯仔丝，但食落好爽脆，唔系平时嘅淋擗擗薯仔，少少酸辣味令土豆丝更出色，朋友少食淀粉质都忍唔住口食多几条。
黄金皮蛋，唔系平时见嘅黑色皮蛋，而系金黄色嘅流心蛋，弹牙入味，辣味十足，作为凉菜，非常惹味，朋友对呢个赞不绝口。
呢几道菜都好惹味，辣得好过瘾，爱辣嘅朋友可以试下
张贴
