The Luxe Seafood Bar & Resto (已結業)

父亲节带咗生蚝控的Daddy嚟食晚市自助餐，真系好多人，全店近乎FULL场，好彩食物都Refill得好密。呢到卖点系任食生蚝，而生蚝最忌系新鲜同卫生，见侍应都带住手套换生蚝。之前见网上D人话生蚝离壳，但啰返嚟仲系痴著个壳，温度仲系冰冻。Daddy对生蚝好有要求，虽然唔算得超好味，但蚝一D都唔腥，滑一滑，以二百几蚊价钱，质素唔错。场内仲有冷肉拼盘，Paraham，Salami，Turkey，其他海鲜，冻虾、翡翠螺、青口等，最值得赞系冻虾，大大只，咬落啖啖肉。长脚蟹咬落又比较麻烦，但有蟹味同鲜甜。熟食有羊扒、蜜糖鸡翼、烧猪仔脾等，而比较饱肚就有炒饭、阔面等，蜜糖鸡翼好入味，肉唔痴骨，好好味!望落样样甜品都好似好吸引，竟然有豆腐花添，用木筒装住，豆腐花甜而滑，好有豆味。额外加钱叫咗杯Mojito，好钟意薄荷味好浓，好有清凉感觉。总括，食物选择还算多，食得好满足!