影片
更多
2022-06-17
2020 浏览
.父亲节+母亲生日饭❤️我系早两星期whatsapp订枱既，我想要梳化位，阿姐态度都好好话尽量安排，因为佢地啲梳化位通常比五人以上既，咁我都明白，到时睇下有冇啦😆今日去到，好开心佢地安排到梳化位比我地，坐得舒服好多，梳化座系c字型，个个坐哂入去，好处系上菜位系唔会影响到任何人，唔洗预个位上菜👍🏼 但坐中间两个系望住对面枱既人食饭。阿姐都有礼貌，同我地讲啲碗碟系高温消毒🤣又问我地要唔要酒，冇hard sell既，之后问我地饮茶定酒，我地话茶，要普洱。睇返单写住桂花乌龙($18)，我地唔识分，总之啲茶好浓好饮👍🏼👍🏼👍🏼冇茶位费，呢个茶价性价比高！我地叫左五个𩠌，每碟都好出色😋睇得出厨师都有心摆盘，同埋唔系用传统白碟上菜，有花心思。话梅骨($98)一字骨应该系煎完又焗过，外面有少少脆，肉都几嫩，唔会煮到硬哂嚡哂，同埋骨同肉比例相等(有啲餐厅几呃砰，有时得骨冇肉)，话梅骨食落酸酸甜甜，同埋有话梅香。椒盐鲜鱿($128)炸衣唔厚，炸得唔油腻，应该有用吸油纸印过，食落唔会成口油。虽然椒盐味略嫌唔够重，但鱿鱼新鲜，食落唔会好硬。南瓜菠菜豆腐煲($88)上枱个阵仲好热，卜泡卜泡，好香南瓜味，南瓜菠菜搅
父亲节+母亲生日饭❤️
我系早两星期whatsapp订枱既，我想要梳化位，阿姐态度都好好话尽量安排，因为佢地啲梳化位通常比五人以上既，咁我都明白，到时睇下有冇啦😆
今日去到，好开心佢地安排到梳化位比我地，坐得舒服好多，梳化座系c字型，个个坐哂入去，好处系上菜位系唔会影响到任何人，唔洗预个位上菜👍🏼 但坐中间两个系望住对面枱既人食饭。
阿姐都有礼貌，同我地讲啲碗碟系高温消毒🤣又问我地要唔要酒，冇hard sell既，之后问我地饮茶定酒，我地话茶，要普洱。睇返单写住桂花乌龙($18)，我地唔识分，总之啲茶好浓好饮👍🏼👍🏼👍🏼冇茶位费，呢个茶价性价比高！
我地叫左五个𩠌，每碟都好出色😋睇得出厨师都有心摆盘，同埋唔系用传统白碟上菜，有花心思。
话梅骨($98)
一字骨应该系煎完又焗过，外面有少少脆，肉都几嫩，唔会煮到硬哂嚡哂，同埋骨同肉比例相等(有啲餐厅几呃砰，有时得骨冇肉)，话梅骨食落酸酸甜甜，同埋有话梅香。
话梅骨
$98
39 浏览
2 赞好
0 留言
椒盐鲜鱿($128)
炸衣唔厚，炸得唔油腻，应该有用吸油纸印过，食落唔会成口油。虽然椒盐味略嫌唔够重，但鱿鱼新鲜，食落唔会好硬。
椒盐鲜鱿
$128
63 浏览
1 赞好
0 留言
南瓜菠菜豆腐煲($88)
上枱个阵仲好热，卜泡卜泡，好香南瓜味，南瓜菠菜搅拌成汤，可以当南瓜菠菜汤饮，完全唔咸，豆腐有煎过，仲有大量秀珍菇，西芹，好惹味，入哂味，份量足👍🏼
南瓜菠菜豆腐煲
$88
62 浏览
0 赞好
0 留言
鲜菠萝芝士焗大虾球($198)
菠萝圈盛载住粒粒大虾球，变左虾球山，虾球底部有新鲜菠萝粒，好甜😋我食完又食。虾球有炸过，虾肉鲜嫩大大只，炸衣唔厚，炸完就放芝士上面拎去焗，每粒虾球都有芝士包围住，仲拉到长长芝士丝👍🏼原来配芝士都好食😋
鲜菠萝芝士焗大虾球
$198
62 浏览
0 赞好
0 留言
鲜菠萝芝士焗大虾球
$198
64 浏览
0 赞好
0 留言
脆皮风沙鸡 半只($128)
半只份量都多，即系鸡本身系大鸡黎🤣皮真系焗(炸)到好脆，唔会有肥膏唧出黎，因为焗/炸得唔好会有好多黄肥膏(平时去酒楼饮就会食到系咁)，鸡肉好嫩滑，肉质都结实，唔会系软腍既鸡肉，点上甜酸酱一齐食，劲开胃。
脆皮风沙鸡 半只
$128
56 浏览
0 赞好
0 留言
砵仔蒸丝苗白饭 ($12@)
蒸饭最有饭香！啲饭蒸得刚好，软硬适中，粒粒分明，依家比以前多左餐厅会用砵仔蒸饭，但都可遇不可求。
砵仔蒸丝苗白饭
$12
78 浏览
0 赞好
0 留言
法式焦糖炖蛋 ($58@)
大推！呢个系中西合璧甜品，黎到我地见到面头有桃胶，即刻心心眼，原来同焦糖炖蛋一齐食会咁夹😋😍焦糖够脆，炖蛋好滑，好香好浓郁既奶味，我地觉得佢系用左至少系4.0既牛乳整，我地个个都话正！重点系甜度适中，唔会焦糖又甜，炖蛋又甜，好食过糖水舖😋
法式焦糖炖蛋
$58
69 浏览
0 赞好
0 留言
法式焦糖炖蛋
$58
35 浏览
0 赞好
0 留言
整体而言，两老对今餐饭有赞冇弹，好满足食得开心。餐厅环境又舒服，店员服务又好，会encore!
.
味道 ★ ★ ★ ★ ☆
环境 ★ ★ ★ ★ ☆
服务 ★ ★ ★ ★ ☆
性价比★ ★ ★ ★ ☆
.
张贴
