順德公漁村河鮮酒家

营业中

休息中

前几日同爸爸妈妈去左佐敦食饭，上OpenRice比佢哋拣拣想食咩餐厅，佢哋就拣咗呢间顺德公渔村河鲜酒家食饭。呢到嘅菜式选择都几多，而且睇落都几啱爸爸妈妈食。成家人都岩食嘅就系呢个芥兰炒猪爽肉。芥兰真系好爽脆，大大碟够晒健康，配埋猪爽肉炒，肉质鲜嫩，简单又好味！妈妈推介呢个天麻鱼头汤，佢话听人讲天麻鱼头汤功效好好，最岩舒缓头痛，热热饮完的确几舒服。爸爸私心叫左呢个蚬蚧鲮鱼球，本身唔钟意食鱼嘅，我见到佢变咗做鲮鱼球都试吓，点知一啖一粒又几好食㖞！整体嚟讲，呢一间餐厅都几啱我屋企人同我嘅口味，好食得黎价钱又唔贵，迟啲都会再同屋企人返嚟呢到食嘢。