影片
更多
2005-07-14
60 浏览
舅父o系香港四日, 爸爸妈妈做足四日导游. 寻日o系尖沙咀行街, 中午就想o系附近饮茶, 叫埋我去join. 起先爸爸打俾我问客家好栈点心(美丽华)得唔得, 我话okay, 就过去美丽华join佢地. 到左楼下, 打去问下爸爸入座未, 佢话入左啦, 不过系入左"富豪酒家"?!仲开埋茶添?! 阿翁鲍鱼挂帅o既富豪酒家? 爸爸咁阔佬, 请舅父食禾麻鲍?去到至知, 爸爸以为呢个系富豪集团o既酒楼, 唔知佢咁大牌, 开左茶至见到$2388一位o既鲍鱼餐, 吓到滴晒汗.好彩望下点心餐牌, 小点都系$22, 唔算好贵, 所以先冇用9秒9速度"逃离现场"! 哈哈!由于在座老人家居多, 而且天气酷热, 所以大家都无乜胃口, 所以叫o既野食唔系好多. 可供选择o既点心唔系好多, 大部分系传统类型, 当中最受迎o既系香煎萝卜糕, 妈咪食到停唔到口, 而最得我欢心o既系香口o既叉烧酥. 至于虾肠, 叉烧包等等都系水准之上. 最后叫多个炒饭埋尾, 食饱饱, 埋单一张金牛都有找, 比我想像中便宜.仲俾我地见到阿翁, 妈咪话, 真人又几后生播!
到左楼下, 打去问下爸爸入座未, 佢话入左啦, 不过系入左"富豪酒家"?!仲开埋茶添?! 阿翁鲍鱼挂帅o既富豪酒家? 爸爸咁阔佬, 请舅父食禾麻鲍?
去到至知, 爸爸以为呢个系富豪集团o既酒楼, 唔知佢咁大牌, 开左茶至见到$2388一位o既鲍鱼餐, 吓到滴晒汗.好彩望下点心餐牌, 小点都系$22, 唔算好贵, 所以先冇用9秒9速度"逃离现场"! 哈哈!
由于在座老人家居多, 而且天气酷热, 所以大家都无乜胃口, 所以叫o既野食唔系好多. 可供选择o既点心唔系好多, 大部分系传统类型, 当中最受迎o既系香煎萝卜糕, 妈咪食到停唔到口, 而最得我欢心o既系香口o既叉烧酥. 至于虾肠, 叉烧包等等都系水准之上. 最后叫多个炒饭埋尾, 食饱饱, 埋单一张金牛都有找, 比我想像中便宜.
仲俾我地见到阿翁, 妈咪话, 真人又几后生播!
张贴